वीरगञ्ज २९ बैशाख ।
प्रदेश २ मा भोलि सोमबार सार्वजनिक बिदा घोषणा गरिएको छ। जानकी नवमीको अवसरमा गत वर्षजस्तै यस वर्ष पनि बिदा दिइएको प्रदेश सरकारले आइतबार प्रकाशित गरेको विज्ञप्तिमा उल्लेख छ ।
चैतको राम नवमीको १ महिनापश्चात् जानकी नवमी मिथिलामा मनाइने गरिन्छ। यस पटकको जानकी नवमीलाई जनकपुरधाममा महामहोत्सवको रुपमा मनाइँदैछ। सप्ताहव्यापी रुपमा मनाइने महामहोत्सवमा नेपालका साथै भारतका विशिष्ट विद्वानहरु सहभागी हुने बताइएको छ ।
सिफारिस
वैशाख शुक्ल नवमीको दिन जानकी नवमी पर्व मनाइन्छ। प्रदेशका मुख्यमन्त्री लालबाबु राउतले यसै अवसरमा शुभकामना दिँदै जानकी नवमीले धार्मिक आस्थाका साथै जनकपुर र प्रदेश नम्बर(२ को गरिमालाई समेत विश्वस्तरमा स्थापित गर्ने भएको हुँदा यस पर्वको गरिमाको संरक्षण तथा सम्बर्द्धनमा प्रदेश सरकार जिम्मेवार रहेको बताए।
