पर्वत – आफैँले पढाउने ४ बालिकाहरुलाई यौन दुर्व्यवहार गरेको आरोपमा पक्राउ परेका प्रधानध्यापकलाई पर्वत जिल्ला अदालतले अधिकतम ५ वर्ष कैद सजाय सुनाएको छ ।
पर्वतको फलेवास नगरपालिका–६ देवीस्थानमा सञ्चालित माझिगाउँ प्राथमिक विद्यालयका प्रधानाध्यापक खिलप्रसाद पौडेललाई मंगलबार पर्वत जिल्ला अदालतका न्यायाधीश सूर्यबहादुर थापाको इजलासले ५ वर्ष कैद सजायको फैसला सुनाएको हो ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
५० वर्षीय प्रधानाध्यापक पौडेलले विद्यालयमा गएको एक वर्षदेखि ७ वर्षीया दुईजना, १० वर्षीय एकजना र १२ वर्षीया एक बालिका गरी ४ जना बालिकालाई यौन हिंसा गरेको आरोपमा गएको साउनमा जिल्ला प्रहरी कार्यालय पर्वतले गिरफ्तार गरेको थियो ।
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
बालिकाहरु टोलाउने, एकसुरे हुने र बिरामी हुने गरेपछि अभिभावकले सोध्दा शिक्षकले हिंसा गर्दै आएको खुलेको थियो । पीडित बालिकाहरुका अभिभावकहरुले प्रहरीमा साउन ६ गते नै उजुरी दिएका थिए ।
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)