भारतले खसाल्यो पाकिस्तानी भूमिमा १००० किलो विस्फोटक पदार्थ भारत पाकिस्तान युद्ध सुरु भएकै होत ?

भारतीय वायु सेनाले पाकिस्तानी भूमिमा हमला गरेको पाकिस्तानले दाबी गरेको छ । मंगलबार बिहान भारतीय लडाकू जेट विमानहरुले दुई देशको सीमा लाइन अफ कण्ट्रोल एलओसीमा हमला गरेको पाकिस्तानी सेनाका प्रवक्ता मेजर जनरल आशिफ गफुरले पुष्टि गरेका छन् । उनले ट्वीटरमा विष्फोटपछिका केही तस्बिर पनि पोष्ट गरेका छन् ।

सिफारिस

बझाङको माझीगाउँ केन्द्रविन्दु भएर भूकम्प

सोह्र श्राद्ध आजदेखि सुरु, कारणवश श्राद्ध रोकिए यस्ता छन्…

भारतीय वायु सेनाका विमानले दुई देशको सीमा क्षेत्र पार गरेर पाकिस्तानतर्फ घुसपैठ गरेको र पाकिस्तानी वायू सेनाले त्यसको जवाफ दिएको प्रवक्ता गफुरले बताएका छन् । घटनामा कुनै हताहती भने नभएको उनको भनाइ छ ।

भारतीय सञ्चारमाध्यमले भारतीय वायु सेनाका श्रोतहरुको हवाला दिँदै पाकिस्तानसँगको सीमा क्षेत्र बालाकोट नजिकै रहेको जैस–ए– मोहम्मदको क्याम्पमा भारतको १२ मिराज २००० जेट विमानले १ हजार किलोको बम खसालेको दाबी गर्दै खबर सम्प्रेषण गरेका छन् ।

भारतको विपक्षी दल काँग्रेस आईका अध्यक्ष राहुल गान्धीले बम खसालेकोमा भारतीय वायू सेनाका पाइलटलाई सलाम गर्न चाहेको ट्वीट गरेका छन् ।

भारतीय वायुसेनाले भने यसबारेमा पुष्टि गरेको छैन ।

१४ फेब्रुअरीमा भारतको जम्मू–कश्मीर राज्यको पुलावामा भएको ठूलो आतंकवादी आक्रमणमा परी केन्द्रीय रिजर्भ प्रहरी बल(सीआरपीएफ) का ४० जनाभन्दा बढी जवानको ज्यान गएको थियो ।