अफगानिस्तान र आयरल्यान्ड बिच जारी तिन खेलको टि-२० सिरिज अन्तर्गत शनिबार भएको दोस्रो खेलमा अफगानिस्तानले ब्याटिङमा नयाँ विश्व रेकर्ड कायम गरेको छ ।
आयरल्यान्ड विरुद्ध बिस्पोटक ब्याटिङ गर्दौ अफगानिस्तानले निर्धारीत २० ओभरमा ३ विकेट गुमाएर २७८ रनको उच्च योगफल तयार पारेको थियो । अफगानिस्तानले बनाएको २७८ रनको योगफल अहिलेसम्मकै कुनै पनि टिमले बनाएको सर्वाधिक स्कोर मध्ये सबैभन्दा उच्च योगफल हो । यस अघि सन २०१६ मा अस्ट्रेलियाले श्रीलंका विरुद्ध बनाएको २६३ रन नै सर्वाधिक योगफल थियो । साथै अफगानिस्तानले सन २०१७ मा आयरल्यान्ड विरुद्ध बनाएको २३३ रनको स्कोर अफगानिस्तानको अन्तर्राष्ट्रिय टि-२० मा उच्च योगफल थियो ।
भारतको देहरादुनमा आज शनिबार अफगानिस्तानले टि-२० अन्तर्राष्ट्रिय क्रिकेटमा विश्व कृतिमान राख्ने योगफल बनाउदा ब्याटिङमा अफगानिस्तानको लागि हज्रतुल्लाह जजाईले पनि विस्पोटक ब्याटिङ प्रदर्शन गरेका थिए । ६२ बलको सामना गरेका जजाईले १६ छ्क्का र ११ चौका सहित अविजित १६२ रनको पारी खेले भने उस्मन घानिले पनि ४८ बलमा ७८ र महोम्मद नाबिले पनि ५ बलमा १७ रनको महत्त्वपूर्ण योगदान दिएका थिए ।
बलिङतर्फ आयरल्यान्डका जोसु लिटिल ,बोयड र्याकिङ र पेटर चेजले समान १-१ विकेट लिएका थिए ।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
साझेदारीमा विश्व रेकर्ड –
अफगानिस्तानको ब्याटिङमा हज्रतुल्लाह जजाई र उस्मन घानि बिच पहिलो विकेटको लागि २३६ रनको महत्त्वपूर्ण साझेदारी गरेका थिए जुन अन्तर्राष्ट्रिय टि-२० मा कुनैपनि विकेटको लागि भएको सर्वाधिक रनको साझेदारी पनि हो । यस अघि जिम्बावे विरुद्ध अस्ट्रेलियाका अरुन फिन्च र जेम सर्ट बिच पहिलो विकेटको लागि २३३ रनको साझेदारी भएको थियो ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)