काठमाडौं । सरकारले एक बर्षे कार्यकालको प्रगती विवरण सार्वजनिक गरेको छ ।प्रधानमन्त्रीले केपी शर्मा ओलीले आफ्नो एक बर्षे कार्यकालको प्रगती विवरण सार्वजनिक गरेका हुन् ।
प्रधानमन्त्री तथा मत्रीपरिषद्को कार्यालयबाट विहिबार देशवासीको नाममा सम्बोधन गर्दे वर्तमान सरकारको एक बर्ष संङघीयता, सुशासन र समृद्धिको आधार बर्ष भएको दाबी गरेका छन्। आफु नेतृत्वको एक बर्षको अवधिमा विकासका लागि कयौ आधार श्रृजना भएको भन्दै उनले यस बर्षलाई विकासको आधार बर्ष भएको दाबी गरे ।
उनले लगानी प्रवद्र्धनका लागि उपयुक्त वातावरण बनेको, उर्जा उत्पादन तथा प्रशारणका लागि ठूला परियोजनाहरु निर्माण गरिएको , उद्योग स्थापनाका लागि आधार तयार भएको तथा सडक निर्माण लगायतमा उल्लेख्य प्रगती हासिल भएको दाबी गरे।
सरकारको नेतृत्व लिदै गर्दा संघियता प्रतिकुलका कानुनका कारण परिस्थिति निकै कठिन उल्लेख गरे। उनले आफ्ना भनाईहरु अंकमा नभई भावनामा सुन्न रुचाउनेहरुले आफुले प्रस्तुत गरेको तथ्यांकलाई मिथ्याङको रुपमा प्रचार गरेको गुनासो गरे।
सुुसासनका संयन्त्रहरु क्रियाशिल रहेको भन्दै उहाँले भ्रष्टाचारमा साविति बयान दिनेहरुले नै सरकार विरुद्ध औला ठड्याउने काम गरको दाबी गरे। नौ /नौ महिनामा सरकार फेरिरहने बानी परेकाहरुलाई आफ्नो बानी सुधार्न आग्रह गरे।
निर्वाचन पछिको पहिलो बर्षलाई आफुले संविधान कार्यान्वयनका लागि संरचनागत व्यवस्थापन र समृद्धिको आधार बर्षको रुपमा लिएको उहाँले उल्लेख गरे। संविधानमा लेखिएका विषय गीतका शब्द जस्तो नभएको भन्दै उनले कानुन बनाउने कामलाई सरकारले प्राथमिकताका साथ अघि बढाएको दाबी गरे ।
प्रधानमन्त्री ओलीले त्रिभुवन विमानस्थल २२ घण्टा संञ्चालन भएको तथा मुलुकभरका विमानस्थलमा भएको प्रगती, जलविद्युत् आयोजनाहरुको निर्माण कार्य र प्रगती, सडक विस्तार र स्तरोन्नती, पक्की पुल, झोलुङगे पुल, रेल मार्ग निर्माण, तुईन विस्थापन लगायतको फेयरिस्त पनि प्रस्तुत गरे ।
उद्योग क्षेत्रमा पनि उल्लेख्य प्रगती हासिल भएको भन्दै उहाँले नवलपरासीको धौवादीमा भौगर्भिक भण्डार क्षेत्र फेला परेको ,विशाखा पटनम बन्दरगाह ,पेट्रोलिय पाईपलाईन विछ्याउने काम लगायतको सूचीनै प्रधानमन्त्रीले प्रस्तुत गरे ।
छिमेक नीति र परराष्ट्रनीतिमा उल्लेख्य परिर्वतन भएको भन्दै उहाँले सबै संग गहिरो मित्रता कसैसंग पनि छैन शत्रुता भन्ने नाराका साथ सरकार अघि बढेको स्पष्ट पारे । उद्योग तथा पर्यटन क्षेत्रको विस्तार र विकास, धान मकै लगायत तरकारीको उत्पादन,खाद्यान्न संकट हुने जिल्लामा यसबर्ष खाद्यान्न संकट नभएको, कृषि आधुनिकीकरण अन्तरगतका कार्यक्रम, साना किसानको ऋण मिनाहा, बैदेशिक रोजगारीमा जानेको संख्यामा कमि आएको, रेमिट्यान्स वृद्धि भएको देखि बाघको संख्या बढेको समेत प्रधानमन्त्रीले सम्बोधनमा उल्लेख गरे ।
मेलम्ची खानेपानी आयोजनामा देखिएको समस्या शिघ्र समाधान गरिने उल्लेख गर्दै उनले यसबर्ष ३ सय ९ वटा खानेपानी योजना निर्माण भईसकेको स्पष्ट पारे ।
प्रधानमन्त्री ओली नेतृत्वको सरकार २०७४ फागुन ३ गते गठन भएको थियो । प्रधानमन्त्री ओलीले करिब एक घण्टाको सम्बोधनको अन्त्यमा नयाँ पुस्तालाई सम्बोधन गर्दै भ्यालेन्टाइन्स डेको शुभकामना दिए। प्रधानमन्त्रीको सम्बोधनको मूलपाठ यस्तो छ ।
