कैलाली – धनगढी प्रिमियर लिगमा घरेलु टिम धनगढी स्टार्सले लगातार दोस्रो हार ब्यहोरेको छ । आज भएको खेलमा धनगढी सीवाईसी अत्तरियासँग ५रनले पराजित हुन पुग्यो ।
फाप्ला क्रिकेट मैदानमा टस जितेर पहिले ब्याटिङ गरेको अत्तरियाले २० ओभरमा ५ विकेट गुमाउँदै ९५ रन बनायो । मध्यम सुरुवात गर्दै पहिलो विकेटका लागि २६ रनको साझेदारी गरेको थियो । तर सुविन्धु पाण्डे मात्र तीन रनमा आउट भएपछि उसले पहिलो विकेट गुमायो ।
त्यसको लगत्तै अर्का ओपनर जयकिशन कोल्सावाला व्यक्तिगत २१ रनमा आउट हुँदा अत्तरियाले २७ रनमा दोस्रो विकेट खेर फाल्यो । कप्तान दिपेन्द्र ऐरी पनि धेरै बेर क्रिजमा टिक्न सकेनन् । उनी ११ रनमा पेभेलियन फर्किँदा अत्तरियाको स्कोर ४५ रन थियो । उसले स्कोरबोर्डमा अरु २० रन थप्दा थप दुई विकेट गुमायो । प्रेम तामाङ १२ रनमा आउट भए भने सन्दीप जोरा मात्र दुई रनमा पेभेलियन फर्किए ।
अत्तरियाका लागि सन्नी पटेलले अविजित ३५ रनको योगदान गरे ।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
बलिङमा धनगढीका राहेन मुस्तफाले दुई तथा सोमपाल कामी, अमिर हायात र विपीन खत्रीले एक–एक विकेट लिए ।
जवाफमा धनगढी स्टार्स २० ओभरमा नौ विकेट गुमाउँदा ९० रनमा रोकियो ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
फितलो ब्याटिङ गरेको धनगढीले १० रन हुँदा पहिलो विकेट गुमायो भने ६५ रन बनाउँदा ६ विकेट खेर फाल्यो । उसका ओपनर सुनिल धमला चार रनमा आउट भए भने पहिलो खेलमा अर्धशतक बनाएका अमित श्रेष्ठले खाता खोल्न सकेनन् । त्यसपछि विदेशी खेलाडी रोहन मुस्तफा १८ रनमा पेभेलियन फर्किँदा पवन सर्राफले पनि खाता खोल्न सकेनन् ।
एकपछि अर्को विकेट गुमाएको धनगढीका कप्तान सोमपाल कामीपनि १० रनमा आउट हुँदा सन्दीप रजाइली मात्र ११ रनमा बाहिरीए । लगत्तै अमिर हायात पनि चार रनमा पेभेलियन फर्किएपछि धनगढीले ७० रनमा सात विकेट गुमायो ।
लगत्तै सौरभ खनाल पनि आउट हुँदा उसले उसले आठ विकेट गुमायो । अन्ततः धनगढी ९० रनमा रोकियो ।
अत्तरियाको जितको आधार उसको उत्कृष्ट बलिङ र फिल्डिङ बन्यो । बलिङमा भुवन कार्कीले चार तथा सन्नी पटेलले दुई विकेट लिए । भुवनले चार ओभरमा मात्र १० रन खर्चिएर चार विकेट लिएका हुन ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)