सुदूरपश्चिम खबर
sudurpashimkhabar.com

भारतीय कामदारलाई श्रम स्वीकृति अनिवार्य नियमले भारतमा रहेका ३० लाख नेपालीको भविष्य के होला ?

काठमाडौं । सरकारले श्रम स्वीकृतिविना भारतीय कामदारलाई नेपालमा काम गर्न नदिने भएको छ । श्रम ऐन र सन् १९५० को सन्धिविपरीत ओली सरकारले भारतीय कामदारलाई श्रम स्वीकृति लिनुपर्ने अनिवार्य गरेको हो ।

सन्धिमा नेपाल–भारत दुवै देशका कामदारलाई श्रम स्वीकृति नचाहिने उल्लेख छ । तर सरकारले श्रम ऐन र १९५० को भारतसँग गरिएको सन्धिविपरीत श्रम स्वीकृति लिनुपर्ने निर्णय गरेको हो । श्रम ऐनले जुन देशसँग सन्धि गरिएको छ त्यो देशका कामदारसँग सन्धिअनुसार नै व्यवहार गर्ने र जुन देशसँग सन्धि भएको छैन, त्यो देशका कामदारले अनिवार्य श्रम स्वीकृति लिनुपर्ने व्यवस्था गरेको छ ।

प्रधानमन्त्री तथा मन्त्रीपरिषद्को कार्यालयले २०७५ पुस २६ गते गरेको निर्णयले श्रम स्वीकृतिबिना भारतीय कामदारलाई काममा लगाउन नपाउने भएको हो ।

World Link Ads
Health Notice Kanchanpur
Sana Kishan

श्रम, रोजगार तथा सामाजिक सुरक्षा मन्त्रालयअन्तर्गतको श्रम तथा व्यवसायजन्य सुरक्षा विभागले देशभर भएका श्रम तथा रोजगार कार्यालयलाई पत्र काटेर तत्काल उद्योग तथा प्रतिष्ठानमा कार्यरत भारतीय कामदारको श्रम स्वीकृति अनिवार्य गराउन भनेको छ ।

सरकारले उद्योग प्रतिष्ठानमा कार्यरत भारतीय श्रमिकको अद्यावधिक गर्ने, श्रम स्वीकृति नलिई भारतीयले काम गरेको पाइए स्वीकृति लिन भनेर व्यवसायिक प्रतिष्ठानलाई जानकारी गराएको छ ।

नेपालमा कति भारतीयले काम गरिरहेका छन् भन्ने तथ्यांक नै छैन । यदि नेपालले श्रम स्वीकृतिको व्यवस्था अनिवार्य गरेकोमा भारतले पनि नेपाली कामदारलाई अनिवार्य रुपमा श्रम स्वीकृतिको व्यवस्था गर्न सक्छ ।

सरकारले भारत सरकारसँग पहल नगरी एकतर्फी निर्णय लिन खोज्दा सम्बन्ध चिसिने मात्र हैन, भारतमा रहेका झन्डै ३० लाख नेपाली कामदारको समेत रोजगारी खतरामा पर्न सक्छ ।

Purnagiri Ads
Indreni
सम्वन्धित समाचार
New digital House
जवाफ छाड्नुस्

Your email address will not be published.