कञ्चनपुर । राष्ट्रिय स्वतन्त्र पार्टीले कञ्चनपुरको दोधारा चाँदनी नगरपालिकामा हस्ताक्षर अभियान सुरुवात गरेको छ । रास्वपाले पाटी सभापति रवि लामिछाने माथि राजनीतिक प्रतिशोध भएको भन्दै दोधारा चाँदनी नगरपालिकामा समेत हस्ताक्षर अभियान सुरुवात गरेको हो ।
रास्वपाका कञ्चनपुर जिल्ला कार्य समिति सदस्य गोकर्ण लामिछानेले दोधारा चाँदनी नगरपालिका क्षेत्रमा समेत उत्साहजनक रुपमा हस्ताक्षर अभियान सञ्चालन भइरहेको बताउनुभयो । रास्वपाका नेता गोकर्ण लामिछानेले दोधारा चाँदनीको विभिन्न टोल बस्तीमा पुगेर हस्ताक्षर सङ्कलन अभियान सुरु गरिएको बताउनुभएको छ ।
उहाँले कञ्चनपुरको सबै पालिकाहरूमा पुगेर लाखौँ जनताको हस्ताक्षर सङ्कलन गरिने बताउनुभयो । आइतबार दोधारा चाँदनी नगरपालिकाको वडा नं. ७ बाबाथान बजारमा हस्ताक्षर सङ्कलन गरिएको राष्ट्रिय स्वतन्त्र पार्टीका नगर संयोजक पुरन कुमालले बताउनुभएको छ ।
रास्वपा कञ्चनपुरका नेता कार्यकर्ताहरूले अहिलेको काँग्रेस, एमाले नेतृत्वको सरकार आफ्ना भ्रष्टाचारीलाई जरै देखि संरक्षण गर्ने अरूका खोजी खोजी प्रतिशोधपूर्ण ढङ्गले मुद्दा मामिला गर्न चलाउँदै आएकोले सो अन्याय चिर्ने र सुशासनका लागि सत्ताधारी दलहरूले आफ्नै दल भित्र रहेका भ्रष्टाचार, मानव तस्करलाई कारबाहीको चुनौती दिएका छन् ।
रास्वपाले अहिलेको सरकारले पाटी सभापति माथि गरेको अन्याय जनताले बुझिसकेकाले जनलहर आफूहरू तिरै बढेको दाबी गरेको छ ।
Discussion about this post