डिल्लीराज पन्त, कञ्चनपुर। राष्ट्रिय निजी तथा आवासीय विद्यालय एसोसिएसन (प्याब्सन) नेपाल कञ्चनपुरले स्थापना दिवसको अवसरमा अनाथालयमा आर्थिक सहयोग गरेको छ । बुधवार ३४औँ प्याब्सनको स्थापना दिवसको अवसरमा भीमदत्त नगरपालिका ४महेन्द्रनगरको समाज कल्याण बाल अञ्चल अनाथालयमा आर्थिक सहयोग गरेको हो ।
प्याब्सन कञ्चनपुरका अध्यक्ष अमरराज भट्ट सहितका पदाधिकारीले समाज कल्याण बाल अञ्चल अनाथालयका निमित्त कार्यालय प्रमुख दिवाकर भट्टलाई ११हजार १सय ११ रुपैयाँको चेक हस्तान्तरण गरेका छन् । यसका साथै अनाथ बालबालिकाहरूलाई नास्ता समेत खुवाएका छन् ।
प्याब्सनका केन्द्रीय सल्लाहकार एव सुप प्रदेश योजना आयोगका सदस्य डा. हिरा चन्दको प्रमुख आतिथ्यमा उक्त रकम हस्तान्तरण गरिएको थियो । कार्यक्रमका प्रमुख अतिथि समेत रहेका प्याब्सनका केन्द्रीय सल्लाहकार एव सुप प्रदेश योजना आयोगका सदस्य डा. हिरा चन्दले यसरी नै विभिन्न सामाजिक सङ्घ संस्थाबाट आर्थिक सहयोगबाट अनाथ बालबालिकाको भरण पोषणमा टेवा पुग्ने बताए ।
कार्यक्रमको अध्यक्षता ग्रहण समेत रहेका प्याब्सन कञ्चनपुरका अध्यक्ष अम्मराज भट्टले सामाजिक कार्य गर्ने उद्देश्यका साथ अनाथालयमा स्थापना दिवसको कार्यक्रममा सहयोग गरेको बताए । प्याब्सन कञ्चनपुरका सचिव राकेश बहादुर चन्दले सञ्चालन गरेको कार्यक्रममा प्याब्सन भीमदत्त नगर, कञ्चनपुर, सुप प्रदेश र केन्द्रीय पदाधिकारी, पूर्व पदाधिकारी एव हालका पदाधिकारी सहितको सहभागिता रहेको थियो ।
Discussion about this post