राति सुतेको बेलामा घुर्नुहुन्छ ? अपनाउनुस् यी दुई उपाय

घुर्नु सामान्य समस्या हो । तर यसले हाम्रो निद्रा र स्वास्थ्यलाई असर गर्न सक्छ । धेरैको निदाएको बेलामा घुर्ने बानी हुन्छ ।

गहिरो निद्रामा जानेबित्तिकै त्यस्तो व्यक्ति घुर्न थाल्छन् । यस्तो अवस्थामा नजिकै सुत्ने व्यक्ति भने घुराईको आवाजले सुत्न नसकेर छट्पटिन थाल्छ ।
घुर्ने समस्याबाट छुटकारा पाउन केही सजिला उपायहरू पालना गर्न सकिन्छ । जुन यस प्रकार रहेका छन् :-

सुताईको स्थिति परिवर्तन गर्ने

उत्तानो परेर सुत्नुको सट्टा पेटको बलमा सुत्दा सास फेर्न सजिलो हुनेछ । ओछ्यानमा तकियालाई अलि अग्लो बनाएर पनि तपाई आफ्नो सुत्ने स्थितिमा सुधार गर्न सक्नुहुन्छ ।

जीवनशैलीमा परिवर्तन गर्ने

नियमित व्यायाम र तौल घटाउँदा सास फेर्न क्षमतामा सुधार हुन्छ । धुम्रपान र मदिराको सेवन बन्द गर्नाले पनि स्वास्थ्यमा सुधार आउन सक्छ । यसले घुर्ने समस्या आउँदैन । सुत्नुअघि भारी भोजन नगर्नुस् अनि पर्याप्त निदाउनुहोस् ।

यसबाहेक तपाईले यी उपाय पनि अपनाउन सक्नुहुन्छः

– सुत्नुअघि मनतातो पानीले नुहाउने ।

–सुत्नुअघि कफी र चिया नपिउने ।

–सुत्ने कोठाका झ्यालहरू खुला राख्ने ।

यसबाहेक, घुर्ने समस्या गम्भीर छ भने तपाईले एक पटक डाक्टरसँग परामर्श गर्नु उपयुक्त हुनेछ । रातोपाटी बाट साभार