कञ्चनपुर । कञ्चनपुरको वाणी खुला मञ्चमा माघी विशेष सांस्कृतिक एप कृषि जैविक विविधता प्रर्दशनी कार्यक्रम गरिएको छ । बिहीबार कृष्णपुर नगरपालिका २ वाणी खुला मञ्चमा माघी विशेष सांस्कृतिक एप कृषि जैविक विविधता प्रर्दशनी कार्यक्रम गरिएको हो । कृष्णपुर नगरपालिका २ नम्बर वडाको सहयोगमा भल्मन्सा समाजले माघी विशेष सांस्कृतिक कार्यक्रम एव कृषि जैविक विविधता प्रर्दशनी कार्यक्रम गरेको छ ।
कार्यक्रममा कृष्णपुर नगरपालिका २ का वडाध्यक्ष अर्जुन सिह साउदले पश्चिम नेपालका थारू समुदायको लोक संस्कृति, कला खाद्य परिकार संरक्षण प्रर्वद्धन गर्ने उद्देश्यका साथ कार्यक्रम गरिएको बताए । वडाध्यक्ष साउदले पछिल्ला दिनमा लोभ भइरहेको थारू समुदायको लोक संस्कृति, रैथाने खाने परिवार संरक्षणका लागि संयुक्त रुपमा कार्यक्रम गरिएको बताए ।
वडाध्यक्ष अर्जुन सिह साउदले पश्चिम नेपालका थारू समुदायको लोक सांस्कृतिक परम्परा, संस्कृति, पहिरन र मौलिक खाने परिकार संरक्षण, प्रर्वद्धन र पुस्तान्तरणका लागि कार्यक्रम गरिएको बताए । ‘पछिल्ला दिनहरूमा थारू समुदायको मौलिक लोक परम्परा संरक्षणमा चुनौती थपिएको छ, ‘वडाध्यक्ष साउदले भने, ‘हामीले वडाबाट सक्दो सहयोग गरेका छौँ, यसबाट समेत केही प्रर्वद्धन हुने अपेक्षा छ ।’ वडाध्यक्ष साउद उक्त माघी विशेष कार्यक्रम थारू समुदायका नयाँ पुस्तालाई पुराना पुस्ताले प्रर्वद्धन गर्ने गराउने तर्फ केन्द्रित रहेको बताए ।
वडाध्यक्ष साउदले कृष्णपुर २ कृषि बस्तु उत्पादनका लागि सम्भावना बोकेको वडा भएकाले कृषि एम्बुलेन्सको माग अघि सारेका छन । कार्यक्रमका प्रमुख अतिथि समेत रहेका भूमि व्यवस्था, कृषि तथा सहकारीमन्त्री रामेश्वर चौधरीको ध्यानाकर्षण गराउँदै कृषि एम्बुलेन्सको माग अघि सारेका हुन । कार्यक्रममा सुप प्रदेशका निर्वतमान संसद् महेश दत्त जोशीले रैथाने अन्नबाली संरक्षण प्रर्वद्धनको विकल्प नभएको बताए ।
सुप प्रदेश सभाका सदस्य गीता चौधरीले पनि यस्ता कार्यक्रमबाट थारू समुदायको लोक संस्कृति संरक्षणमा जोड दिइन । कार्यक्रमका विशिष्ट अतिथि समेत रहेका प्रदेश सभा सदस्य ओम विक्रम भाट (सरल) ले स्थानीय बस्तु तथा सेवा उत्पादन, प्रर्वद्धन र बजारीकरणमा जोड दिए ।
संसद् सरलले आत्मनिर्भर र समृद्धिका लागि थारू समुदाय सहित सबै समुदायले कृषि बस्तु तथा सेवा उत्पादनमा जोड दिएका छन् । कार्यक्रमका प्रमुख अतिथि समेत रहेका भूमि व्यवस्था, कृषि तथा सहकारीमन्त्री रामेश्वर चौधरीले वडाध्यक्ष अर्जुन सिह साउदले प्रस्ताव अघि सारेको कृषि एम्बुलेन्स दिने प्रतिबद्धता जाहेर गरेका छन । मन्त्री चौधरीले थारू समुदायको संस्कृति संरक्षणका साथै रैथाने खाने परिवार संरक्षणका लागि प्रदेश सरकार तयार रहेको बताए ।
भल्मन्सा समाज कृष्णपुर २ सञ्जालका अध्यक्ष अमर चौधरीले कृष्णपुर नपा २ वडा कार्यालय सहित कृषि, ज्ञान केन्द्र, जय फूलवाली कृषि सहकारी संस्था लि-बर्ड सक्षम परियोजनाको सहयोगमा कृषि प्रर्दशनीका साथै थारू समुदायको संस्कृति कार्यक्रम भएको बताए । कृष्णपुर नगरपालिका २ नम्बर वडाको विशेष आयोजनामा उक्त कार्यक्रम गर्न सफल भएको उनले बताए । थारू समुदायको माघी पर्व नयाँ वर्षकै रुपमा मनाउने भएकाले वडाध्यक्ष अर्जुन सिह साउदले वडाभरिका भल्मन्सा समुदायसँग सामूहिक छलफल गरेर उक्त कार्यक्रम सञ्चालन गर्न लागेको उनले बताए । उक्त कार्यक्रममा थारू समुदायका लोक परम्परागत खाने परिकारदेखि सांस्कृतिक कार्यक्रम प्रस्तुत गरिएको थियो ।
Discussion about this post