शनिबार धनगढीमा सम्पन्न सर्वाधिक धनराशिको क्रिकेट प्रतियोगिता तेस्रो धनगढी प्रिमियर लिगको उपाधि अत्तरियाले जितेसङ्गै प्रतियोगिताको मस्ट भ्यालुएबल प्लेयरको उपाधि पनि अत्तरियाका कप्तान दिपेन्द्र सिह ऐरीले जितेका छ्न ।
मस्ट भ्यालुएबल प्लेयर बनेका दिपेन्द्र सिह ऐरीले गोल्डेन बुट (सुनको जुत्ता) प्राप्त गरेका छ्न । प्रतियोगिताको उपाधि पहिलोपटक अत्तरियालाई दिलाएका दीपेन्द्र सिह ऐरीले ७ खेलमा १ सय ६८ रन बनाउनुको साथै १० विकेट लिएका थिए ।
त्यसैगरी प्रतियोगितामा उत्कृष्ट प्रदर्शन गर्दै म्यान अफ द सिरिज बनेका भारतिय खेलाडीले बेस्ट ब्याट्सम्यानको उपाधि समेत जिते । सन्नीले ७ खेलमा ६ पटक ब्याटिङ गर्ने मौका पाउँदा कुल २ सय २ रन बनाएका थिए भने बलिङमा पटेलले ९ विकेट लिएका थिए । सन्निले बेस्ट ब्याट्सम्यान मार्फत रु एक लाख र म्यान अफ द सिरीज बाफत २ लाख प्राप्त गरे ।
त्यसैगरी प्रतियोगितामा सिवाईसी अत्तरियाका भुवन कार्की बेस्ट बलर बनेका छ्न ।भुवनले प्रतियोगिता १४ विकेट लिएका थिए । बेस्ट बलर बनेका भुवन कार्किले नगद १ लाख हात पारे ।
प्रतियोगिताको उपाधि भने शरद भेषावकरको कप्तानिमा रहेको महेन्द्रनगर युनाईटेडलाई ३ विकेटले पराजित गर्दै दीपेन्द्र सिह ऐरीको कप्तानिमा रहेको सिवाईसी अत्तरियाले उचालेको हो । उपाधि सङ्गै अत्तरियाले ट्रफी सहित नगद ३० लाख पाउदा उप-विजेता बनेको महेन्द्रनगरले टफ्री सहित नगद १२ लाख प्राप्त गरेको छ ।
