ऋण दिएर कसैलाई गुलाम बनाउँदैनौँ : चीन

चीनले आफूले ऋण दिएर कुनै पनि देशलाई नफसाउने दाबी गरेको छ। चीनमाथि गरिब देशलाई ऋण दिएर गुलाम बनाउने गरेको आरोप लाग्ने गरेको छ।

यस्ता आरोपको खण्डन गर्दै वाङ चाओले उनले बेल्ट एण्ड रोड इनिसिएटिभ (बिआरआई) मार्फत विश्वलाई सहयोग गरेको बताए। वाङ चौधौँ राष्ट्रिय जनकांग्रेस (एनपीसी) को पहिलो सत्रका प्रवक्ता हुन्। उनले यसबाट अफ्रिकी देशले सबैभन्दा बढी फाइदा उठाएको जानकारी दिएका छन्।

चिनियाँ ऋणका कारण दक्षिण एशियाका दुई देश पाकिस्तान र श्रीलंका झन्डै गरिब भइसकेका छन्।

प्रवक्ता वाङले ऋणको जालमा फसाउने आरोप सीधै अस्वीकार गरे। विश्व बैंकको प्रतिवेदनलाई उद्धृत गर्दै उनले अफ्रिकी देशहरूको करिब तीन चौथाइ बाह्य ऋण वास्तवमा बहुपक्षीय संस्थाहरू र व्यावसायिक ऋणदाताहरूको ऋणी रहेको बताए। उही समयमा चीनले अफ्रिकाको ऋणको बोझ कम गर्न काम गरिरहेको छ।

वाङले चीनले कहिल्यै पनि कुनै राजनीतिक नजोड्ने र स्वार्थी राजनीतिक लाभ नलिनेमा जोड दिए।

चीनले दिएको ऋण चुक्ता रकम ठूलो रकम भएको उनले बताए। बीआरआईले आफ्नो दशौँ वार्षिकोत्सव मनाउने क्रममा चीनले उपलब्धि, अनुभव, भविष्यको योजना र बेल्ट एन्ड रोड सहकार्यमा नयाँ प्रगतिको समीक्षा गर्न सबै साझेदारसँग मिलेर काम गर्न तयार रहेको वाङले बताए।

गरिब देशहरूलाई महँगो पूर्वाधार निर्माणका लागि ऋण दिएको भन्दै आलोचना भइरहेका वेला उसले ऋण दिएर जालमा पार्ने कूटनीतिलाई अस्वीकार गरेको हो।

ऋण दिएर चीनले अन्तिममा ऋणी देशको सम्पत्ति नियन्त्रण गरिरहेको भनाइ छ। चीनले यो चीनविरोधी पश्चिमा व्याख्या भएको दाबी गरेको छ। अफ्रिकी देशहरूमा चीनको बढ्दो उपस्थिति र सैन्य अखडा निर्माण गर्ने योजनाले चीनको भनाइ विश्वसनीय देखिएको छैन।

चीनले अफ्रिकाका कम्तिमा १३ देशमा आफ्नो सैन्य अखडा बनाउने योजना बनाएको दाबी गर्दै हालै एउटा रिपोर्ट प्रकाशित भएको छ। ती देश चीनबाट ठूलो ऋण लिएका देशहरू समावेश छन्। थाहा खबर बाट सभार