वेदकोट नगरपालिकामा डेङ्गु रोग सार्ने लामखुट्टेको लार्भा नष्ट गर्ने अभियानको सुरु गरिएको वेदकोट नगरपालिकाकाले जनाएको छ ।
वेदकोट नगरपालिकाका नगर प्रमुख अशोक कुमार चन्दको नेतृत्वमा उप-प्रमुख,जनप्रतिनिधि, स्वास्थ्यकर्मी र स्वयंसेविका, स्वास्थ्यका कर्मचारी सहितको टोलीले सयुक्त रूपमा डेङ्गु रोग सार्ने लामखुट्टेको खोजी गरी लार्भा नष्ट गर्ने अभियानको शनीबार बाट औपचारीक कार्यक्रम गरेर सुरु गरेको जानकारी बेदकोट नगरपालिकाका कर्मचारी प्रकाश कलौनीले बताए ।
प्रमुख चन्दले सो कार्यक्रम सबै वडाहरुमा अभियान कै रुपमा सञ्चालन गरिने बताउदै सम्पुर्ण नगरवासीलाई आ आफ्नो क्षेत्रबाट सरसफाइ अभियानमा सहयोग गरी डेङ्गु मुक्त नगरपालिका निर्माणमा सहयोग गर्न आह्वान समेत गरेका थिए ।
यति बेला जताकतै डेङ्गु रोग देखापर्न थालेपछि उक्त कार्यक्रमलाई अभियानका रुपमा संचालन गरेर नगरबाट निर्मुल पार्ने आफुहरुको अभियान रहेको बताए ।
