संघिय सरकारको नितीका कारण जनतामा संघियता प्रती निराशा आउन थाल्यो – मुख्यमन्त्री त्रिलोचन भट्ट

सुदूरपश्चिम प्रदेशका मुख्यमन्त्री त्रिलोचन भट्टले संघिय सरकारको कारण काम गर्न गार्हो भइरहेको बताएका छन । उनले कतिपय साझा अधिकारका कानुन नबनाउँदा प्रदेशमा काम गर्न असहज भएको बताएका हुन ।

७२ औँ प्रजातन्त्र दिवसको अवसरमा प्रदेश सरकारले आयोजना गरेको कार्यक्रममा उनले प्रदेश गठन भएको चार वर्ष भइसक्दा पनि साझा अधिकार कार्यान्वयन नहुँदा सोचेअनुसारको काम हुन नसकेको बताएका हुन् ।

’हाम्रो प्रदेशमा कर्मचारी कतिबेला आउंछन कतिबेला जाँछन् हामीलाई थाहा नै हुँदैन.’ भट्टले भने.’ संघिय सरकारलाई मन लाग्यो भने कर्मचारी पठाउने, मन लागे फिर्ता बोलाउने, कसैलाई निर्णय गरेर पठाउन नसक्ने यो सबै भन्दा कमजोर छ । जसले गर्दा संघियता माथि प्रश्न उठन थालेको छ ।’

उनले संघिय सरकारको नितीका कारण जनतामा संघियता प्रती निराशा आउन थालेको जिकिर गरे । गोदावरी न्युज बाट सभार