धनगढी । सुदूरपश्चिमको मौलिक डेउडा गीतसङ्गीत क्षेत्रमा योगदान पुर्याउँदै आएका डेउडा गायक प्रेम कोलीको निधन भएको छ।
बैतडीको पाटन नगरपालिका–३ गुजर घर भएका ४३ वर्षीय कोलीको उपचारका क्रममा शुक्रबार राति निधन भएको हो।
रोजगारीका सिलसिलामा भारतमा रहेका कोलीलाई गत कात्तिक २२ गते एक गाडीले ठक्कर दिएको थियो। दुर्घटनामा गम्भीर घाइते भएका उनको उपचार भइरहेको थियो। उपचारकै क्रममा उनको निधन भएको पारिवारिक स्रोतले जनाएको छ।
स्वर्गीय कोलीका श्रीमती र चार छोराछोरी रहेका छन्। उनको निधनले सुदूरपश्चिमको मौलिक डेउडा गीतसङ्गीत क्षेत्रमा अपूरणीय क्षति पुगेको छ।
Discussion about this post