काठमाडौं । बडादशैंअन्तर्गत टीकाको दोस्रो दिन आज पनि मान्यजनबाट रातो टीका र जमरा लगाई आशीर्वाद लिने क्रम जारी छ। आफन्त तथा परिवारका ज्येष्ठ सदस्यबाट टीका र जमरा ग्रहण गर्दै दशैं मनाउनेहरू व्यस्त छन्।
नेपाल पञ्चांग निर्णायक समितिका अनुसार आश्विन शुक्ल प्रतिपदादेखि नवमीसम्म नवदुर्गाको पूजा गरी तयार पारिएको प्रसादस्वरूप विजयादशमीदेखि पूर्णिमासम्म टीका र जमरा लगाउने परम्परा छ। कतिपयले एकादशीको व्रतका कारण भोलिपल्ट मात्रै टीका लगाउने गर्छन्।
विशेषगरी ससुराली, माइती, मावली तथा टाढा रहेका आफन्तकहाँ पुगेर आशीर्वाद लिने चलन छ। यसैबीच, दशैं मनाउन उपत्यकाबाहिर गएका यात्रु फर्किन थालेपछि काठमाडौं उपत्यकामा भित्रिने यात्रुको चाप पनि बढ्न थालेको छ।
Discussion about this post