प्रकाश भट्ट, बैतडी । बैतडीको प्रसिद्ध शक्तिपीठ निङ्गलाशैनी भगवती मन्दिरमा महाअष्टमीका अवसरमा ठूलो जात्रा लागेको छ । दशरथचन्द नगरपालिका -२ देहीमाडौँस्थित मन्दिरमा पूजाआजा र दर्शनका लागि सुदूरपश्चिमका विभिन्न जिल्लाका साथै छिमेकी राष्ट्र भारतबाट समेत भक्तजन पुग्ने गरेका छन्।
मन्दिरमा महासप्तमीका दिन बलिका लागि राँगा बाँध्ने र महाअष्टमीका दिन बलि दिने प्रचलन रहिआएको छ । शारदीय नवरात्रको महासप्तमी र महाअष्टमीमा यहाँ विशेष जात्रा लाग्ने गर्छ ।
निङ्गलाशैनी भगवती मन्दिरमा वर्षमा चार पटक जात्रा लाग्ने परम्परा छ । असोजको महाअष्टमी र चैत्राष्टमीमा बलिसहित जात्रा हुने गरेको छ । धार्मिक आस्था, परम्परा र सांस्कृतिक महत्त्व बोकेको यो शक्तिपीठमा लाग्ने जात्राले बैतडीसहित सुदूरपश्चिमको धार्मिक तथा सांस्कृतिक पहिचानलाई जीवन्त राख्दै आएको छ ।
Discussion about this post