महेन्द्रनगर । कञ्चनपुरको भीमदत्त नगरपालिका–३, भाँसीस्थित महाकाली मोडर्न पब्लिक स्कुलका विद्यार्थीहरूले भजन साँझ कार्यक्रममा आफ्नो सांगीतिक कला र प्रतिभा प्रस्तुत गरेका छन्। विद्यार्थीहरूको प्रस्तुतिले कार्यक्रममा सहभागी दर्शकलाई मन्त्रमुग्ध बनाएको छ।
विद्यार्थीहरूको सर्वाङ्गीण विकासलाई प्राथमिकता दिँदै आएको विद्यालयले पठनपाठनसँगै अतिरिक्त क्रियाकलापलाई समेत विशेष महत्त्व दिँदै आएको छ। विद्यार्थीमा रहेको अन्तर्निहित प्रतिभाको पहिचान, विकास र प्रोत्साहन गर्ने उद्देश्यले विद्यालयले विभिन्न शैक्षिक, सांस्कृतिक तथा सिर्जनात्मक गतिविधि सञ्चालन गर्दै आएको हो।
यसैक्रममा शनिबार महेन्द्रनगरमा आयोजित भजन साँझमा विद्यालयका विद्यार्थीहरूले भजन गायनमार्फत आफ्नो गायन कला, सांगीतिक क्षमता र सांस्कृतिक प्रतिभा प्रदर्शन गरेका हुन्। उनीहरूको प्रस्तुतिले विद्यार्थीमा रहेको प्रतिभा उजागर गर्नुका साथै कला र संस्कृतिप्रतिको रुचिसमेत झल्काएको छ।
विद्यालयले विद्यार्थीलाई किताबी ज्ञानमा मात्र सीमित नराखी खेलकुद, सांस्कृतिक कार्यक्रम, शैक्षिक अवलोकन भ्रमण तथा विभिन्न प्रतिभा प्रस्तुत गर्ने अवसर प्रदान गर्दै आएको छ। यस्ता गतिविधिले विद्यार्थीको आत्मविश्वास बढाउन, सिर्जनात्मक क्षमता विकास गर्न र सामाजिक तथा सांस्कृतिक चेतना अभिवृद्धि गर्न सहयोग पुग्ने विश्वास विद्यालयको छ।
शिक्षासँगै अतिरिक्त क्रियाकलापमा समेत विद्यार्थीलाई सक्षम बनाउने लक्ष्य लिएको महाकाली मोडर्न पब्लिक स्कुलले विद्यार्थीको प्रतिभा प्रस्फुटन र सर्वाङ्गीण विकासका लागि यस्ता गतिविधिलाई निरन्तरता दिँदै आएको छ।
Discussion about this post