काठमाडौं । २०औँ एसियन गेम्समा पदक जित्ने नेपाली खेलाडी तथा प्रशिक्षक र व्यवस्थापकले सरकारले घोषणा गरेको पुरस्कार रकम प्राप्त गरेका छन्।
जापानको आइची–नागोयामा भएको प्रतियोगितामा कांस्य पदक जितेका कराते खेलाडी तेन्जिङ शेर्पा र महिला कबड्डी टोलीले पुरस्कार रकम बैंक खातामार्फत प्राप्त गरेका हुन्।
कराते खेलाडी शेर्पाले ३ लाख ९० हजार रुपैयाँ पाएका छन्। त्यस्तै, उनका प्रशिक्षक कुशल श्रेष्ठले १ लाख ३० हजार र व्यवस्थापक युवराज लामाले ६५ हजार रुपैयाँ प्राप्त गरेका छन्।
यसैगरी, महिला कबड्डी टोलीका खेलाडीले जनही १ लाख ९५ हजार रुपैयाँ पाएका छन्। टोलीकी प्रशिक्षक पार्वती राईले १ लाख ३० हजार, सहायक प्रशिक्षक लोकबहादुर विष्टले ६५ हजार र व्यवस्थापक शरद दर्शनधारीले ६५ हजार रुपैयाँ प्राप्त गरेका छन्।
यी खेलाडी तथा पदाधिकारीलाई पुरस्कार दिने निर्णय मन्त्रिपरिषद्ले गरेपछि राष्ट्रिय खेलकुद परिषद् (राखेप) ले असोज २१ गते आवश्यक निर्णय गरेको थियो।
Discussion about this post