काठमाडौं । प्रधानमन्त्री बालेन्द्र शाह (बालेन) ले बुधबार बिहान काभ्रेपलाञ्चोकस्थित प्रसिद्ध धार्मिकस्थल पलाञ्चोक भगवती मन्दिरको दर्शन गरेका छन्।
प्रधानमन्त्री शाह सडकमार्ग हुँदै मन्दिर परिसरमा पुगेका थिए। उनले मन्दिरमा करिब १० मिनेट बिताएर भगवतीको दर्शन तथा पूजाआजा गरी काठमाडौं फर्किएको पाँचखाल नगरपालिका–९ का वडाध्यक्ष रामकाजी श्रेष्ठले जानकारी दिएका छन्।
प्रधानमन्त्री शाहसँग भौतिक पूर्वाधारमन्त्री सुनिल लम्साल र प्रमुख सल्लाहकार कुमार बेन पनि मन्दिर पुगेका थिए।
पलाञ्चोक भगवती मन्दिर काभ्रेपलाञ्चोक जिल्लामा अवस्थित ऐतिहासिक, धार्मिक तथा पुरातात्त्विक महत्त्व बोकेको प्रसिद्ध शक्तिपीठ हो। यहाँ भगवतीको दर्शन तथा पूजाआजाका लागि विभिन्न जिल्लाबाट श्रद्धालु भक्तजन आउने गर्छन्।
विशेषगरी नवरात्र, धार्मिक पर्व तथा अन्य महत्त्वपूर्ण अवसरमा मन्दिरमा भक्तजनको उल्लेख्य उपस्थिति रहने गरेको छ। पलाञ्चोक भगवती मन्दिर जिल्लाको धार्मिक पहिचान र ऐतिहासिक सम्पदाका रूपमा समेत परिचित छ।
Discussion about this post