कञ्चनपुर । कञ्चनपुरको दोधारा–चाँदनी नगरपालिका–४ स्थित महाकाली नदीमाथिको झोलुङ्गे पुलमा क्षति पुगेको छ।
बुधबार बिहान महाकाली नदीको बहाव बढेपछि पुलको दोधारा–चाँदनीतर्फको भागमा क्षति पुगेको जिल्ला प्रहरी कार्यालय कञ्चनपुरले जनाएको छ।
प्रहरीका अनुसार पुलको करिब ५–६ मिटर भाग माथि उठ्नुका साथै एउटा पिल्लरसमेत भत्किएको छ। पुलको बीच भागमा रहेको एउटा पोल महाकाली नदीले बगाएपछि पुलमा क्षति पुगेको हो।
पुलमा क्षति पुगेसँगै दोधारा–चाँदनी र भीमदत्त नगरपालिका जोड्ने पैदल आवागमन पूर्ण रूपमा अवरुद्ध भएको छ। क्षतिग्रस्त पुल मर्मतका लागि सम्बन्धित निकायबाट पहल भइरहेको प्रहरीले जनाएको छ।
यो झोलुङ्गे पुल नेपालका लामो झोलुङ्गे पुलमध्ये एक हो।
Discussion about this post