काठमाडौं – अमेरिकाले नेपाललाई बाढीपछिको पुनर्निर्माण तथा प्रभावित समुदायको राहत र पुनःस्थापनाका लागि ३ करोड १० लाख अमेरिकी डलर सहयोग गर्ने भएको छ।
संयुक्त राष्ट्रसंघको ८१औँ महासभामा सहभागी हुन न्युयोर्कमा रहेका परराष्ट्रमन्त्री शिशिर खनालसँग बुधबार भएको भेटमा राजनीतिक मामिलासम्बन्धी अमेरिकी उपविदेशमन्त्री एलिसन हुकरतले उक्त सहयोगबारे जानकारी गराएकी हुन्।
उपविदेशमन्त्री हुकरतका अनुसार बाढीपछिको पुनर्निर्माणका लागि अमेरिकाले १ करोड डलर उपलब्ध गराउने योजना बनाएको छ।
त्यस्तै, बाढी प्रभावित समुदायका लागि खानेपानी तथा सरसफाइ, आवास र जीविकोपार्जनका क्षेत्रमा थप ८० लाख डलर सहयोग प्रदान गर्ने घोषणा गरिएको छ।
भेटवार्तामा नेपालमा बाढीबाट प्रभावित क्षेत्रको पुनःस्थापना तथा पुनर्निर्माणका लागि आवश्यक सहयोग र नेपाल–अमेरिका सहकार्यका विषयमा छलफल भएको जनाइएको छ।
Discussion about this post