काठमाण्डौ — असोज ९ देखि ११ गतेसम्म देशका विभिन्न क्षेत्रमा भारीदेखि अति भारी वर्षाको सम्भावना रहेकाले सरकारले उच्च सतर्कता अपनाउन आग्रह गरेको छ। भारी वर्षाका कारण बाढी, पहिरो, डुबान तथा हिमाली क्षेत्रमा हिमपातको जोखिम रहेको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले अत्यावश्यकबाहेक लामो दूरीको यात्रा नगर्न तथा बाढी आएको समयमा भिडियो खिच्न, टिकटक बनाउन वा खोलामा दाउरा संकलन गर्न नजान आग्रह गरेको छ।
किसानलाई पाकेको धानबाली, तरकारी तथा फलफूल जोगाउन र खेतबारीमा पानी निकासको उचित व्यवस्था गर्न सुझाव दिइएको छ। साथै, जोखिमयुक्त क्षेत्रमा रहेका नागरिकलाई सुरक्षित स्थानमा जान र सरकारी पूर्वसूचना तथा निर्देशन पालना गर्न आग्रह गरिएको छ।
सम्भावित विपद्लाई ध्यानमा राख्दै सुरक्षा निकायलाई हाई अलर्टमा राखिएको तथा मुख्य राजमार्गमा सडक खुलाउन आवश्यक उपकरण तयारी अवस्थामा राखिएको प्राधिकरणले जनाएको छ।
Discussion about this post