न्युयोर्क । परराष्ट्रमन्त्री शिशिर खनाल र अमेरिकी राजनीतिक मामिलासम्बन्धी उपविदेशमन्त्री एलिसन हुकरबीच न्युयोर्कमा द्विपक्षीय भेटवार्ता भएको छ।
भेटमा नेपाल–अमेरिका सम्बन्ध, हालैको भोटेकोशी बाढीबाट प्रभावित क्षेत्रमा भइरहेको राहत, पुनर्स्थापना तथा पुनर्निर्माणका विषयमा छलफल भएको नेपाली नियोगले जनाएको छ।
छलफलका क्रममा नेपालका पुनर्निर्माण प्रयासमा अमेरिकाको निरन्तर सहयोगका विषयमा समेत कुराकानी भएको थियो।
भेटवार्तामा परराष्ट्रसचिव अमृतबहादुर राई, संयुक्त राष्ट्रसंघका लागि नेपालका स्थायी प्रतिनिधि लोकबहादुर थापालगायतका उच्च अधिकारीहरूको सहभागिता थियो।
Discussion about this post