काठमाडौं । जापानमा आयोजना हुने एसियन गेम्सका लागि नेपालले दीपेन्द्रसिंह ऐरीको कप्तानीमा १५ सदस्यीय क्रिकेट टोली घोषणा गरेको छ।
नेपाल क्रिकेट संघ (क्यान)ले घोषणा गरेको टोलीमा कप्तान ऐरीसहित रोहितकुमार पौडेल, सोमपाल कामी, करण केसी, सन्दीप लामिछाने, आरिफ शेख, आसिफ शेख, कुशल भुर्तेल, ललित राजवंशी, गुल्सनकुमार झा, नन्दन यादव, लोकेश बम, सन्दीप जोरा, शेर मल्ल र कुशल मल्ल रहेका छन्।
एसियन गेम्सको क्रिकेट प्रतियोगितामा नेपालले अफगानिस्तान र आयोजक जापानसँग प्रतिस्पर्धा गर्नेछ। नेपाली टोलीको टिम लिडरमा पूर्वराष्ट्रिय क्रिकेट खेलाडी विनोद दास तथा मुख्य प्रशिक्षकमा स्टुअर्ट ल रहेका छन्।
नेपालले प्रतियोगितामा उत्कृष्ट प्रदर्शन गर्ने लक्ष्यसहित टोली तयार गरेको क्यानले जनाएको छ। एसियन गेम्स आगामी असोज ३ देखि १८ गतेसम्म जापानको आइची–नागोयामा आयोजना हुँदैछ।
Discussion about this post