काठमाडौं । नेपाल लिकर्स प्रालिले भोटेकोशीलगायत विभिन्न क्षेत्रमा आएको बाढी तथा प्राकृतिक विपत्तिबाट प्रभावित नागरिकको राहत र उद्धारका लागि १ करोड १ लाख रुपैयाँ सहयोग गरेको छ।
कम्पनीमा कार्यरत कर्मचारीहरूको तर्फबाट उक्त रकम प्रधानमन्त्री दैवी प्रकोप उद्धार कोषमा प्रदान गरिएको नेपाल लिकर्सले जनाएको छ।
प्राकृतिक विपत्तिका कारण प्रभावित परिवारको राहत, उद्धार तथा पुनःस्थापनामा सहयोग पुर्याउने उद्देश्यले आर्थिक सहायता उपलब्ध गराइएको कम्पनीले जनाएको हो।
नेपाल लिकर्सले विपद्को समयमा प्रभावित नागरिकलाई आवश्यक सहयोग उपलब्ध गराउन तथा पुनःस्थापना कार्यमा टेवा पुर्याउने उद्देश्यले उक्त सहयोग गरेको बताएको छ।
Discussion about this post