कञ्चनपुर । कञ्चनपुरको भीमदत्त नगरपालिका–११ मा बाढी तथा अन्य विपद्को पूर्वसूचना दिन मल्टी हजार्ड साइरन जडान गरिएको छ। महाकाली नदीको तटीय क्षेत्रमा पर्ने वडा भएकाले हरेक वर्ष बाढीको जोखिम रहने र भुजेला खोलाबाट समेत जोखिम हुने भएकाले साइरन जडान गरिएको हो।
वडाध्यक्ष प्रकाश थापाका अनुसार विपद्को जोखिममा रहेका स्थानीयलाई समयमै सूचना पुर्याई सुरक्षित स्थानतर्फ जान सहज होस् भन्ने उद्देश्यले साइरन जडान गरिएको हो। साइरनले विपद्को समयमा समुदायलाई पूर्वसूचना दिन महत्वपूर्ण भूमिका खेल्ने उनले बताए।
भीमदत्त नगरपालिकाका वातावरण अधिकृत सविन रावलका अनुसार जडान गरिएको मल्टी हजार्ड साइरनको प्रभावकारी रेन्ज करिब ३ किलोमिटर रहेको छ। यसबाट वडाका जोखिमयुक्त क्षेत्रमा बाढीलगायत विपद्को पूर्वसूचना पुर्याउन सहज हुने उनले बताए।
Discussion about this post