काठमाडौँ – डोनाल्ड ट्रम्पले दुई दिनभित्रै इरान सँग वार्ता हुनसक्ने दाबी गर्नुभएको छ। अमेरिकी सञ्चारमाध्यमसँगको अन्तर्वार्तामा उहाँले छिट्टै वार्ता हुने र उक्त वार्ता इस्लामाबाद मै पुनः अघि बढ्न सक्ने बताउनुभएको हो।
गत शुक्रबार इरान र अमेरिका बीच इस्लामाबादमा २१ घण्टा लामो वार्ता भएको थियो। तर उक्त वार्ताबाट कुनै ठोस सहमति ननिस्किएको बताइएको छ। इरानले अमेरिकाले अत्यधिक सर्त राखेकाले वार्ता परिणाममुखी हुन नसकेको आरोप लगाएको छ।
वार्ता असफल भएसँगै अमेरिकी प्रतिनिधिमण्डलको नेतृत्व गरेका उपराष्ट्रपति जेडी भान्स स्वदेश फर्किनुभएको थियो।
यसैबीच वार्ता असफल भएपछि हर्मुज जलमार्ग क्षेत्रमा अमेरिकाले नाकाबन्दी गरेको जनाएको छ, जसले क्षेत्रीय तनाव थप बढाएको छ।
Discussion about this post