प्रतिनिधि सभा सदस्य निर्वाचन अन्तर्गत कञ्चनपुर निर्वाचन क्षेत्र नम्बर ३ बाट राष्ट्रिय स्वतन्त्र पार्टीका उम्मेदवार ज्ञानेन्द्र सिंह महता निर्वाचित हुनुभएको छ । मुख्य निर्वाचन अधिकृत राजेन्द्र सिंह भण्डारीले सार्वजनिक गर्नुभएको अन्तिम मत परिणाम अनुसार महताले २७,११८ मत प्राप्त गर्नुभएको छ । उहाँका निकटतम प्रतिस्पर्धी नेपाली काँग्रेसका उम्मेदवार हरि प्रसाद बोहराले ९,४४३ मत प्राप्त गर्नुभएको छ । त्यस्तै नेपाल कम्युनिष्ट पार्टी ९एकीकृत मार्क्सवादी लेनिनवादी० का उम्मेदवार दीपक प्रकाश भट्टले ७,५७५ मत प्राप्त गर्नुभएको छ ।
यसैगरी नेपाली कम्युनिष्ट पार्टीका उम्मेदवार मान बहादुर सुनारले ४,२८४ मत प्राप्त गर्नुभएको छ भने राष्ट्रिय प्रजातन्त्र पार्टीका पुर्ण वहादुर चन्दले ३,९०२ मत प्राप्त गर्नुभएको छ । उज्यालो नेपाल पार्टीका उम्मेदवार भिम बहादुर कुमालले २६८ मत प्राप्त गर्नुभएको छ भने श्रम संस्कृति पार्टीका उम्मेदवार गंगा दत्त जोशीले २२४ मत प्राप्त गर्नुभएको छ । स्वतन्त्र उम्मेदवार हर्क बहादुर ऐरले १७७ मत प्राप्त गर्नुभएको छ भने नेपाल कम्युनिस्ट पार्टी ९माओवादी० का उम्मेदवार विष्णु प्रकाश उपाध्यायले ११६ मत प्राप्त गर्नुभएको छ । स्वतन्त्र उम्मेदवार थानेश्वर लेखकले ९५ मत प्राप्त गर्नुभएको छ भने राष्ट्रिय जनमोर्चाका उम्मेदवार लाल बहादुर कुँवरले ८७ मत प्राप्त गर्नुभएको छ ।
त्यस्तै नेपाल कम्युनिष्ट पार्टी ९संयुक्त० का उम्मेदवार कर्ण बहादुर चन्दले ८६ मत प्राप्त गर्नुभएको छ । राष्ट्रिय मुक्ति पार्टी नेपाल ९एकल चुनाव चिन्ह० का उम्मेदवार लोक राज भट्टले ७१ मत प्राप्त गर्नुभएको छ भने नेपाल मजदुर किसान पार्टीकी उम्मेदवार मीनु गिरीले ४२ मत प्राप्त गर्नुभएको छ । आम जनता पार्टी ९एकल चुनाव चिन्ह० की उम्मेदवार लक्ष्मी कुमारी विष्ट भट्टले ३१ मत प्राप्त गर्नुभएको छ । स्वतन्त्र उम्मेदवार वीर सिंह क्षेत्रीले २१ मत प्राप्त गर्नुभएको छ भने मितेरी पार्टी नेपालकी उम्मेदवार किरन थापाले ६ मत प्राप्त गर्नुभएको छ ।
कुल १७ जना उम्मेदवार सहभागी रहेको यस निर्वाचनमा राष्ट्रिय स्वतन्त्र पार्टीका ज्ञानेन्द्र सिंह महता भारी मतान्तरसहित निर्वाचित हुनुभएको हो । महता पत्रकारिता र व्यावसायिक पृष्ठभूमिबाट राजनीतिमा सक्रिय भई संसदीय यात्रामा प्रवेश गर्नुभएको हो ।
Discussion about this post