बेलायत । सुदूरपश्चिमेली विद्यार्थी समाज, बेलायतले विदेशमा रहेका सुदूरपश्चिमका विद्यार्थीहरूलाई एकआपसमा जोड्ने, सहयोग गर्ने र सहजीकरण गर्ने उद्देश्यका साथ विभिन्न सामाजिक तथा शैक्षिक गतिविधि सञ्चालन गर्दै आएको छ। विदेशको व्यस्त जीवनमा पनि विद्यार्थीहरूलाई घरजस्तो वातावरण प्रदान गर्न, समस्या–चुनौती सुनेर समाधानका पहल गर्न र सुदूरपश्चिमको भाषा, संस्कृत तथा पहिचान जगेर्नामा समाज निरन्तर सक्रिय छ।
विदेशमा अध्ययनरत विद्यार्थीहरूले सामना गर्ने शैक्षिक, आर्थिक, मानसिक र कानुनी समस्यामा साथ दिने, समुदायबीच एकता र आत्मीयता वृद्धि गर्ने तथा सांस्कृतिक गतिविधिमार्फत घरको याद कम गराउने उद्देश्यले समाजले विभिन्न कार्यक्रम सञ्चालन गर्दै आएको उपेन्द्र बहादुर बमले बताएका छन्।
सुदूरपश्चिमेली विद्यार्थी समाज बेलायत र युडब्लुएस नेपाली विद्यार्थी स्कटल्याण्ड समाजले सल्यान दार्मा–४ निवासी स्व. यमन चन्दको सव नेपाल पुर्याउनका लागि आर्थिक सहयोग संकलन गरेका छन्। एक वर्षअघि अध्ययनका लागि बेलायत पुगेका चन्दको गत मंगलबार निधन भएको घटनाप्रति दुःख व्यक्त गर्दै दुवै संस्थाले स्व. यमन चन्दको सव नेपाल पुर्याउनका लागि उद्देश्यले संयुक्त रूपमा पहल गरेका हुन्।
दुवै संस्थाले संयुक्त रूपमा १ लाख ६० हजार ९ सय ७३ रुपैयाँ (८६२ पाउण्ड) ‘GoFundMe’ मार्फत सहयोग गरीएको जनाइएको छ।
Discussion about this post