काठमाडौं । नेपाली बजारमा साताको अन्तिम कारोबार दिन शुक्रबार सुनको मूल्य तोलामा १ हजार ७०० रुपैयाँले बढेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ९० हजार १०० रुपैयाँ कायम भएको छ। बिहीबार सुनको मूल्य तोलामा १ हजार १०० रुपैयाँले घटेर २ लाख ८८ हजार ४०० रुपैयाँमा झरेको थियो।
यसअघि बुधबार सुन प्रतितोला २ लाख ८९ हजार ५०० रुपैयाँमा कारोबार भएको थियो। त्यस्तै, मंगलबार २ लाख ९२ हजार २०० रुपैयाँ, सोमबार २ लाख ९४ हजार ४०० रुपैयाँ र आइतबार २ लाख ९६ हजार ५०० रुपैयाँमा कारोबार भएको थियो।
यता, चाँदीको मूल्य भने आज तोलामा १०५ रुपैयाँले घटेको छ। महासंघका अनुसार चाँदीको मूल्य प्रतितोला ४ हजार १५० रुपैयाँ कायम भएको छ। बिहीबार चाँदी प्रतितोला ४ हजार २५५ रुपैयाँमा कारोबार भएको थियो।
Discussion about this post