काठमाडौं । आईसीसी क्रिकेट विश्वकप लिग–२ अन्तर्गत आज ओमान र क्यानडाबीच प्रतिस्पर्धा हुँदैछ। ओमानको अल अमिरात क्रिकेट मैदानमा हुने खेल नेपाली समयअनुसार बिहान ११ः१५ बजे सुरु हुनेछ।
सन् २०२७ मा दक्षिण अफ्रिका, जिम्बाब्वे र नामिबियामा आयोजना हुने एकदिवसीय विश्वकपमा स्थान बनाउने लक्ष्यसहित दुवै टोली लिग–२ मा प्रतिस्पर्धा गरिरहेका छन्। आजको खेलले दुवै टोलीको अंकतालिकामा सुधार गर्ने अवसर प्रदान गर्नेछ।
ओमान र क्यानडाबीचको खेल नेपालका लागि पनि महत्त्वपूर्ण मानिएको छ। नेपालले यसअघि लिग–२ मा क्यानडालाई २४ रनले र ओमानलाई ११३ रनले पराजित गरिसकेको छ।
प्रतियोगिताअन्तर्गत नेपालले आगामी खेलमा क्यानडा र त्यसपछि ओमानसँग प्रतिस्पर्धा गर्ने तालिका छ। विश्वकप छनोटको सम्भावना बलियो बनाउन नेपालका लागि आगामी खेलहरूमा राम्रो प्रदर्शन गर्नु महत्त्वपूर्ण हुनेछ।
Discussion about this post