काठमाडौं । राष्ट्रिय सभा सदस्य रुक्मिणी कोइरालाले संघीय लोकतान्त्रिक गणतन्त्र बलियो बनाउन आवश्यक कानुन निर्माणसँगै संघ, प्रदेश र स्थानीय तहबीच अधिकारको स्पष्ट बाँडफाँड गर्नुपर्ने बताएकी छन्।
शुक्रबार राष्ट्रिय सभा बैठकमा बोल्दै उनले संविधान जारी भएको १० वर्ष पुग्न लाग्दा पनि कतिपय आवश्यक कानुन बन्न नसक्दा संघीयता कार्यान्वयन कमजोर भएको बताइन्।
उनले संघीय निजामती सेवा कानुन तत्काल कार्यान्वयनमा ल्याउन, प्रदेश र स्थानीय तहलाई संविधानले दिएको अधिकार पूर्ण रूपमा प्रयोग गर्न दिन तथा साझा अधिकारका विषयमा क्षेत्राधिकार स्पष्ट गर्न सरकारको ध्यानाकर्षण गराइन्।
प्रदेशलाई आवश्यक कर्मचारी, प्रशासनिक तथा प्रहरीसम्बन्धी अधिकार दिनुपर्ने उल्लेख गर्दै कोइरालाले प्राकृतिक स्रोतको रोयल्टीमा प्रदेशलाई समेत उचित हिस्सा दिन र कोसी अस्पताल प्रदेश मातहत ल्याउन माग गरिन्।
Discussion about this post