फिफा विश्वकप फुटबलको प्रि–क्वार्टरफाइनल अन्तर्गत मेक्सिकोसँग हुने खेलअघि इङ्ग्ल्यान्डका खेलाडीलाई चिकित्सकीय कारणले ‘भियग्रा’ प्रयोग गर्न अनुमति दिइएको छ।
२ हजार २०० मिटरभन्दा बढी उचाइमा हुने खेलमा ‘अल्टिट्युड सिकनेस’ (उचाइजन्य समस्या) बाट जोगाउन चिकित्सकहरूले यो उपाय सुझाएका हुन्। खेल मेक्सिको सिटीस्थित एज्टेका रंगशालामा हुनेछ, जहाँ अक्सिजनको मात्रा तुलनात्मक रूपमा कम हुने गर्दछ।
चिकित्सकका अनुसार ‘भियग्रा’ मा रहेको ‘सिल्डेनाफिल’ तत्वले रक्तनली विस्तार गरी शरीरमा अक्सिजन प्रवाह सुधार गर्न मद्दत गर्न सक्छ, जसले खेलाडीको शारीरिक प्रदर्शनलाई सहयोग पुर्याउने अपेक्षा गरिएको छ।
यो औषधि विश्व एन्टी–डोपिङ एजेन्सी (WADA) को प्रतिबन्धित सूचीमा नरहेको बताइएको छ। तर, इङ्ग्ल्यान्ड टिमले यसको प्रयोगबारे औपचारिक प्रतिक्रिया दिएको छैन।
यता, मेक्सिकोका खेलाडीहरू भने उच्च उचाइको मैदानमा खेल्न अभ्यस्त भएकाले उनीहरूलाई यस्तो समस्या नहुने अनुमान गरिएको छ।
Discussion about this post