तारा अधिकारीको नयाँ गीत ‘नभनेका कति कुरा’ सार्वजनिक

तारा अधिकारीको नयाँ गीत ‘नभनेका कति कुरा’ सार्वजनिक भएको छ। प्रेम, भावना र सम्बन्धका विविध पक्षलाई समेटेर तयार गरिएको उक्त गीतले संगीतप्रेमी दर्शक तथा श्रोतामाझ सकारात्मक प्रतिक्रिया बटुल्न थालेको छ।
गीतमा तारा अधिकारीको शब्द सिर्जना रहेको छ भने किरण कँडेलले संगीत दिएका छन्। कुशल सिंहको संगीत संयोजन रहेको गीतमा रजिना रिमाल र करण परियारको स्वर सुन्न सकिन्छ।
गीतको रेकर्डिङ शम्भु कुमार तन्डुकारले गरेका हुन् भने अशोक महर्जनले मिक्सिङ गरेका छन्। मिक्सिङ सुपरभिजन तथा मास्टरिङको जिम्मेवारी संगीतकार किरण कँडेलले नै सम्हालेका छन्।
गीतसँगै सार्वजनिक गरिएको म्युजिक भिडियोमा महेश खड्का र स्मृति श्रेष्ठको अभिनय देख्न सकिन्छ। भिडियोको मेकअप कबिता तोलाङ्गीले गरेकी छन् भने अनुजा अधिकारीले कोरियोग्राफी गरेकी छन्। मनीष डीकेले प्रोडक्सन व्यवस्थापनको जिम्मेवारी सम्हालेका छन्।
भिडियोको छायांकन विनोद बलले गरेका हुन्। नारोत्तम पाण्डेले सम्पादन तथा कलर गरेका छन् भने बाबुराम निरौला भिडियोका प्रमुख सहायक निर्देशक हुन्।
गीतको निर्देशन तथा निर्माण स्वयं तारा अधिकारीले गरेकी हुन्। नयाँ गीतले प्रेम र भावनाका सूक्ष्म पक्षलाई कलात्मक रूपमा प्रस्तुत गरेको भन्दै दर्शक तथा श्रोताबाट राम्रो प्रतिक्रिया प्राप्त गरिरहेको छ।