सरकारले प्रधानमन्त्री Balen Shah ले संसदमा नेपालले भारतको भूमि मिचेको भन्ने अभिव्यक्ति नदिनुभएको स्पष्ट पारेको छ।
मंगलबार सिंहदरबारमा सञ्चारकर्मीसँग कुरा गर्दै सरकारका प्रवक्ता तथा Sasmit Pokharel ले सीमा विवादसम्बन्धी छलफलका क्रममा भारत–नेपाल संयन्त्रबाट नेपालले पनि केही स्थानमा भारतीय भूमि मिचेको दाबी आएको विषयमा प्रधानमन्त्रीले आश्चर्य व्यक्त मात्र गर्नुभएको बताए।
उनका अनुसार प्रधानमन्त्री शाहले संसदमा नेपाल–भारत सीमा विवादका विषयमा बोल्ने क्रममा अर्को पक्षबाट आएको दाबीबारे आफू अचम्मित भएको प्रसङ्ग उल्लेख गर्नुभएको हो। प्रधानमन्त्रीले नेपालले भारतको भूमि मिचेको निष्कर्ष वा आरोप लगाउने उद्देश्यले अभिव्यक्ति नदिनुभएको प्रवक्ता पोखरेलको भनाइ छ।
पोखरेलले कतिपय स्थानमा भारतले उपभोग गरिरहेको भूमि नेपालतर्फ पर्न सक्ने तथा नेपालले उपभोग गरिरहेको भूमि भारततर्फ पर्न सक्ने विषय द्विपक्षीय संयन्त्रहरूमा उठ्दै आएको बताए। यस्ता विवाद आपसी संवाद र कूटनीतिक माध्यमबाट समाधान गर्नुपर्ने प्रधानमन्त्रीको धारणा रहेको उनको भनाइ छ।
प्रवक्ता पोखरेलले प्रधानमन्त्री शाह संसदप्रति उत्तरदायी रहेको पनि उल्लेख गरे। उनले आइतबार प्रतिनिधिसभामा सांसदहरूले उठाएका जिज्ञासाको जवाफ दिइसकेको र आवश्यक परे पुनः सदनमा उपस्थित भएर थप स्पष्टिकरण दिन तयार रहेको बताए।
Discussion about this post