हर्क साम्पाङ नेतृत्वको श्रम संस्कृति पार्टीका अध्यक्ष तथा सांसद हर्क साम्पाङले प्रतिनिधिसभामा प्रधानमन्त्री बालेन्द्र शाहको हाजिरीबारे प्रश्न उठाएका छन्।
मंगलबार बसेको प्रतिनिधिसभा बैठकमा बोल्दै उनले प्रधानमन्त्रीले सदनमा उपस्थित हुँदा नियमावलीअनुसार हाजिरी जनाए वा नजनाएकोबारे जानकारी माग गरे। प्रतिनिधिसभा नियमावलीको नियम ४ अनुसार बैठकमा आसन ग्रहण गर्नुअघि प्रत्येक सदस्यले हाजिरी पुस्तिका वा विद्युतीय उपकरणमार्फत उपस्थिति जनाउनुपर्ने व्यवस्था रहेको स्मरण गराउँदै साम्पाङले प्रधानमन्त्रीको हाजिरी खोजेका हुन्।
‘प्रधानमन्त्रीज्यू यहाँ आउँदाखेरि हाजिर गर्नुभएको छ कि छैन ?’ भन्दै उनले हाजिरी नगरिएको अवस्थामा प्रतिनिधिसभा सदस्यकै हैसियतबारे प्रश्न उठ्ने टिप्पणी गरे।
साम्पाङले प्रधानमन्त्री शाहले नेपालले भारतको भूमि कहाँ–कहाँ अतिक्रमण गरेको भन्ने विषयमा स्पष्ट जानकारी दिनुपर्ने मागसमेत गरे। यदि गलत अभिव्यक्ति दिएको भए प्रधानमन्त्रीले सार्वजनिक रूपमा माफी माग्नुपर्ने उनको भनाइ थियो।
Discussion about this post