काठमाडौँ : सरकारले देशमा एक लाख ४४ हजार ५८५ मेट्रिक टन रासायनिक मल मौज्दात रहेको बताएको छ।
प्रतिनिधिसभा बैठकमा कृषिमन्त्री गीता चौधरीले गोदाममा रहेको, नेपाल भित्रिसकेको र गोदममा इन्ट्री हुन बाँकी रहेको गरेर हाल एक लाख ४४ हजार ५८५ मेट्रिक टन मल मौज्जाद रहेको जानकारी दिएकी हुन्।
उनले का अनुसार चालु आर्थिक वर्षमा हालसम्म ५ लाख ५४ हजार ७६२ मेट्रिक टन मल आपूर्ति भइसकेको छ। यसमध्ये ४ लाख ६३ हजार १०७ मेट्रिक टन किसानलाई बिक्री गरिसकेको दाबी गरिन्। उनले एक लाख ८७ हजार मेट्रिक टन मल आउन नसकेको पनि बताइन्।
मन्त्री चौधरीलेमध्यपूर्वमा देखिएको द्वन्द्वका कारण मलको उत्पादन र आपूर्तिमा समस्या आएको तथ्य पनि संसदमा स्मरण गराइन्। ‘मध्यपूर्वको जारी द्वन्द्वको कारण मलको उत्पादन र आपूर्ति समस्या एवं मलको मूल्यमा उच्च वृद्धि भएको छ । यस परिस्थितिमा चालू आर्थिक वर्ष र आगामी आर्थिक वर्षमा बजेटबाट खर्च हुनेगरी सम्झौता भइसकेको एक लाख ८७ हजार मेट्रिक टन मल आउन सकेको छैन’, उनले भनिन्, ‘नजिकै आईसकेको धान रोपाइँको सिजनमा मलको अभाव नहोस् भनेर मन्त्रालयको विशेष ध्यानाकर्षण भएको छ।
उनले सरकारले रसायनिक मलको सन्तुलित प्रयोग तथा जैविक तथा प्राङ्गारिक मलको प्रयोगमा जोड दिएको पनि स्पष्ट पारिन्।
Discussion about this post