काठमाडौं । नारायणदत्त पौडेल सशस्त्र प्रहरी बलको महानिरीक्षक (आईजिपी) बन्ने भएका छन्। सोमबार बस्ने मन्त्रिपरिषद् बैठकले अतिरिक्त महानिरीक्षक (एआईजी) पौडेललाई आईजिपी नियुक्त गर्ने तयारी गरेको हो।
हालका आईजिपी राजु अर्याल आगामी १८ वैशाखमा चार वर्षे कार्यकाल पूरा गरी अवकाशमा जाँदैछन्।
पौडेलले १८ चैत २०५४ मा प्रहरी निरीक्षक पदबाट नेपाल प्रहरी मा सेवा सुरु गरेका थिए। २०५८ सालमा सशस्त्र प्रहरी बल गठन भएपछि उनी एक तह बढुवा भई डिएसपीमा समायोजित भएका थिए।
आईजिपीका लागि पौडेलसँगै एआईजी बंशीराज दाहाल र गणेश ढाडा पनि आकांक्षी थिए। तर सरकारले वरिष्ठता र ज्येष्ठताका आधारमा संगठन प्रमुखको जिम्मेवारी पौडेललाई दिन लागेको हो।
पौडेल ६ जेठ २०७९ मा एआईजीमा बढुवा भएका थिए भने दाहाल सोही वर्षको असोज २८ मा एआईजी भएका थिए।
नयाँ बन्ने प्रहरी नियमावलीमा ३० वर्षे उमेर हद यथावत रहेमा पौडेलको कार्यकाल करिब २३ महिना हुने अनुमान छ। यदि नियमावली संशोधन भई ३२ वर्षे उमेर हद कायम भएमा उनको कार्यकाल थप दुई वर्ष लम्बिनेछ।
Discussion about this post