कञ्चनपुर । महेन्द्रनगरमा सञ्चालित ‘थर्ड आई करियर डेभलपमेन्ट सेन्टर’ ले सुरक्षा निकायको तयारी कक्षा पूरा गरेका विद्यार्थीहरूलाई एक विशेष कार्यक्रमका बीच विदाई गरेको छ। आगामी परीक्षामा सहभागी हुन लागेका युवाहरूलाई सफलताको शुभकामना दिन र उनीहरूको मनोबल उच्च राख्न उक्त विदाई कार्यक्रमको आयोजना गरिएको हो।
सेन्टरका सञ्चालक चेत राज पन्तले सुदूरपश्चिमका पहाडी जिल्ला र स्थानीय विद्यार्थीहरू अब लोकसेवा तथा सुरक्षा निकायको तयारीका लागि महँगो खर्च गरेर काठमाडौँ धाउनुपर्ने बाध्यता अन्त्य भएको बताउनुभयो। सञ्चालक पन्तका अनुसार धनगढीमा झण्डै ६०० भन्दा बढी विद्यार्थीलाई अध्यापन गराइरहेको र हालसम्म ६ हजारभन्दा बढी विद्यार्थीहरूलाई सफल बनाइसकेको अनुभवका साथ अब महेन्द्रनगरमा पनि उत्कृष्ट सेवा प्रदान भइरहेको छ। नेपालभरिमै सबैभन्दा धेरै परीक्षार्थी सफल गराएको दाबी गर्दै उहाँले सुदूरपश्चिमका युवाहरूलाई निजामती र सुरक्षा दुवै सेवामा प्रवेश गराउन यो केन्द्रले महत्त्वपूर्ण भूमिका खेल्ने विश्वास व्यक्त गर्नुभयो।
सेन्टरले आफ्नो भविष्य र करियरका विषयमा अन्योलमा रहेका युवाहरूलाई लक्षित गरी सेन्टरले निःशुल्क करियर काउन्सिलिङ (परामर्श) समेत प्रदान गर्दै आइरहेको छ। त्यस्तै जेहेन्दार विद्यार्थीहरूका लागि विशेष छात्रवृत्तिको व्यवस्था समेत रहेको सेन्टरले जनाएको छ।
विद्यार्थी महेश सिंह साउदले यहाँको अनुभवी प्रशिक्षक र गुणस्तरीय शिक्षण सामग्रीका कारण आफूमा आत्मविश्वास बढेको बताउनुभयो। उहाँका अनुसार काठमाडौँका ठूला इन्स्टिच्युटमा पाइने जस्तै सेवा र मार्गदर्शन महेन्द्रनगरमै पाउँदा तयारी गर्न निकै सहज भएको छ।
त्यस्तै, विद्यार्थी राजेन्द्र साउदले सेन्टरले उपलब्ध गराएको नियमित परीक्षा र फिडब्याक कक्षाले आफ्नो कमजोरी सुधार्न मद्दत पुगेको उल्लेख गर्नुभयो। विद्यार्थी रेखा धामीले महिला तथा जेहेन्दार विद्यार्थीका लागि संस्थाले गरेको प्रोत्साहन र छात्रवृत्तिको व्यवस्था सह्रानीय रहेको बताउनुभयो।
यस्तै विद्यार्थी दीपक सिंह महताले यहाँको शान्त वातावरण र अनुभवी शिक्षकहरूको प्रत्यक्ष निगरानीमा पढ्न पाउनु सुदूरपश्चिमका युवाहरूका लागि ठूलो अवसर भएको बताउनुभयो। अर्का विद्यार्थी प्रचण्ड सिंह धामीले करियर काउन्सिलिङ र सही मार्गनिर्देशनले गर्दा अब सुरक्षा निकायमा प्रवेश गर्ने आफ्नो लक्ष्य पूरा हुनेमा आफू ढुक्क रहेको विश्वास व्यक्त गर्नुभयो।
गुणस्तरीय शिक्षण सामग्री र अनुभवी शिक्षकहरूको मार्गदर्शनले गर्दा यसपटक पनि महेन्द्रनगरबाट उल्लेख्य संख्यामा परीक्षार्थीहरू सफल हुने अपेक्षा गरिएको छ।
Discussion about this post