कञ्चनपुर । कञ्चनपुरको भीमदत्त नगरपालिका-१०, तिल्केनीमा रहेको अपि इन्टरनेसनल पब्लिक स्कूलले शनिबार प्रसिद्ध सिद्धनाथ मन्दिरमा प्रसाद वितरण गरेको छ।
भीमदत्त नगरपालिकाको ब्रहमदेवमा अवस्थित उक्त मन्दिरमा नेपाल र भारतबाट आएका दर्शनार्थीहरूलाई विद्यालयका तर्फबाट प्रसाद वितरण गरिएको हो।विद्यालयका अनुसार, स्थानीय मेला, पर्व र धार्मिक महत्वका विषयहरू विद्यालयको पाठ्यक्रममा नै समावेश गरिएको छ।
विद्यार्थीहरूलाई किताबी ज्ञानमा मात्र सीमित नराखी सामाजिक र सांस्कृतिक क्रियाकलापमा प्रत्यक्ष सहभागी गराउन यो कार्यक्रम गरिएको विद्यालयले जनाएको छ।
स्कूलकी संस्थापक खगेश्वरी भट्ट बोगटीले विद्यार्थीहरूलाई सामाजिक कार्यमा जोड्न र संस्कार सिकाउन यो कार्यक्रम आयोजना गरिएको बताउनुभयो। उहाँले विद्यार्थीहरूलाई किताबी ज्ञानसँगै आफ्नो संस्कार, संस्कृति र सेवा भावको बारेमा जानकारी दिनु आवश्यक रहेकोमा जोड दिनुभयो।
सिद्धनाथ मन्दिर सुदूरपश्चिमकै महत्वपूर्ण धार्मिक पर्यटकीय स्थलका रूपमा परिचित छ, जहाँ हजारौंको सङ्ख्यामा भारतीय र नेपाली दर्शनार्थीहरू आउने गरेका छन्।
Discussion about this post