बैतडी । सामान्यतया चुनाव हारेपछि नेताहरू अर्को निर्वाचन नआउन्जेल राजधानी वा सदरमुकाममा सिमित हुने परिपाटी छ। तर, बैतडीबाट राष्ट्रिय प्रजातन्त्र पार्टी (राप्रपा) का उम्मेदवार बनेका भुपेन बहादुर चन्दले भने यो प्रवृत्तिलाई चुनौती दिएका छन्। निर्वाचनमा २,६८१ मत प्राप्त गरेका चन्द पराजयका बाबजुद पनि अहिले बैतडीका गाउँ-बस्तीमा उत्तिकै सक्रिय छन्।
पहिलोपटक चुनावी मैदानमा उत्रिएका चन्दका लागि अंकगणितीय नतिजा प्रतिकुल रहे पनि उनको उत्साहमा कुनै कमी आएको देखिँदैन। निर्वाचन सकिएलगत्तै उनी मतदातालाई धन्यवाद दिन र उनीहरूको वास्तविक समस्या बुझ्न फेरि गाउँ पुगेका छन्। निर्वाचनपछि नेताहरू हराउने आम गुनासोका बीच, जनताको दुःख-सुख बुझ्न गाउँ-गाउँ पुगिरहेका चन्दको सक्रियतालाई स्थानीयले सकारात्मक रूपमा लिएका छन्।
उनी अहिले टोल-टोलमा पुगेर जनतासँग सुख-दुःख साटिरहेका छन्।अमेरिकाको विलासिता त्यागेर माटोको सेवामाभुपेन बहादुर चन्दको पृष्ठभूमि निकै लोभलाग्दो छ। आईटी इन्जिनियरिङमा स्नाकोत्तर गरेका चन्द पाइलट र अभिनेता समेत हुन्। उनी पूर्व प्रधानमन्त्री लोकेन्द्र बहादुर चन्दका सुपुत्र हुन्। अमेरिकाको सुविधायुक्त र विलासी जीवनलाई छाडेर आफ्नै जन्मभूमिको सेवा गर्ने दृढ संकल्पका साथ उनी नेपाल फर्किएका हुन्। चन्द आफ्नो शैक्षिक योग्यता र अन्तर्राष्ट्रिय अनुभवलाई बैतडीको विकासमा लगाउने उनको अठोटले शिक्षित युवाहरूलाई पनि राजनीतिप्रति आकर्षित गरेको छ।
भेटघाटका क्रममा चन्दले केवल राजनीतिक कुरा मात्र गर्दैनन्, बरु बैतडीका आधारभूत समस्याहरू जस्तै—खानेपानीको अभाव, सडकको जीर्ण अवस्था, शिक्षाको गुणस्तर र स्वास्थ्य सेवाको पहुँचका बारेमा गहिरो अध्ययन गरिरहेका छन्। उनले जनतालाई आश्वासन दिएका छन् कि उनी पदमा नभए पनि जनताका यी आवाजहरूलाई सम्बन्धित निकाय र सरकारसम्म पुर्याउन निरन्तर वकालत गरिरहने बताएका छन्।
Discussion about this post