डडेल्धुरा – कञ्चनपुर निर्वाचन क्षेत्र नम्बर २ बाट प्रतिनिधि सभा सदस्यका उम्मेदवार नारायण प्रकाश (एनपी) साउदले आफ्नो गृह जिल्ला डडेल्धुरा पुगेर विभिन्न मन्दिरहरूको दर्शन गर्नुभएको छ।
चुनावी सरगर्मीका बीच डडेल्धुरा पुग्नुभएका साउदले सुदूरपश्चिमकै प्रसिद्ध शक्तिपीठ उग्रतारा मन्दिर र ऐतिहासिक घटाल थानमा पुगेर विशेष पूजाआजा र दर्शन गर्नुभएको हो।
डडेल्धुरा आफ्नो जन्मथलो भएकाले उहाँले महत्वपूर्ण कामको सुरुवात वा विशेष अवसरमा यी मन्दिरहरूमा आशीर्वाद लिने गरेका छन्।
धार्मिक आस्था र शक्तिको केन्द्र मानिने यी मन्दिरहरूको दर्शनका क्रममा उहाँले स्थानीय बासिन्दाहरूसँग समेत भेटघाट र छलफल गर्नुभएको थियो।
Discussion about this post