कञ्चनपुर । सुदूरपश्चिमका उदयमान कलाकारहरूको स्वर र अभिनयले सजिएको नयाँ सांगीतिक कोसेली ‘तिम्रै लागि’ सार्वजनिक भएको छ। गायक डेभिड द ग्रेट र गायिका भगवती रावतको सुमधुर स्वर रहेको यस गीतलाई हालै डिजिटल प्लेटफर्ममार्फत सार्वजनिक गरिएको हो।
डेभिड द ग्रेटकै शब्द तथा संगीत रहेको यस गीतमा मौलिकता र आधुनिकताको सुन्दर फ्युजन गरिएको छ। गीतको रेकर्डिङ फारवेस्ट स्टुडियो रेकर्ड्समा गरिएको हो भने धिरज बलायरले यसको म्युजिक प्रोडक्सन, मिक्सिङ र मास्टरिङ गरेका हुन्।
गीतको म्युजिक भिडियोलाई अर्जुन विश्वकर्माले निर्देशन गरेका छन्। यसको निर्माण र अवधारणामा निर्देशक विश्वकर्मालाई स्वामी प्रकाश अघोरीले साथ दिएका छन्। भिडियोको मुख्य भूमिकामा स्वामी प्रकाश अघोरी, मनु भट्ट र स्वयम् डेभिड द ग्रेटलाई देख्न सकिन्छ।
गायक डेभिड द ग्रेटको आधिकारिक युट्युब च्यानलबाट सार्वजनिक गरिएको यस गीतले छोटो समयमै श्रोता र दर्शकहरूबाट सकारात्मक प्रतिक्रिया पाइरहेको छ।
Discussion about this post