कैलाली । नेशनल लाईफ इन्स्योरेन्स कम्पनी टिकापुर, कैलाली शाखाको आयोजनामा अभिकर्ता सम्मान तथा पुनर्ताजगी (रिफ्रेसर) कार्यक्रम सम्पन्न भएको छ। मंसिर २७ गते शनिबार टिकापुर शाखाका शाखा प्रमुख प्रकाश खड्काको अध्यक्षतामा कार्यक्रम सम्पन्न भएको हो।
कार्यक्रममा कम्पनीका सुदूरपश्चिम प्रदेश प्रमुख नविनकिशोर भट्ट प्रमुख अतिथि तथा पेशागत बिमा अभिकर्ता संघ, बिमक नेशनल लाईफका प्रदेश अध्यक्ष तथा चिफ बिजनेस म्यानेजर राजेन्द्र बहादुर चन्द विशिष्ट अतिथिका रूपमा उपस्थित रहेका थिए।
कार्यक्रममा टिकापुर शाखाबाट आ.ब. २०८१/८२ मा संजालमार्फत उत्कृष्ट बिमा व्यवसाय गर्ने, व्यक्तिगत कोडमार्फत उत्कृष्ट बिमा व्यवसाय गर्ने तथा निरन्तर बिमा व्यवसायमा सक्रिय अभिकर्ताहरूलाई प्रमाणपत्र, मेडल तथा खादा प्रदान गरी सम्मान गरिएको थियो।
विशिष्ट अतिथि राजेन्द्र बहादुर चन्दले बिमा व्यवसायलाई मर्यादित र व्यावसायिक बनाउँदै सकारात्मक सोच र दृढ संकल्पका साथ निरन्तर लागिरहे सफलता सहज हुने अनुभव साझा गरे। प्रमुख अतिथि नविनकिशोर भट्टले बिमा व्यवसायमा आबद्ध हुनाका फाइदा र अवसरबारे प्रशिक्षण तथा प्रेरणादायी मन्तव्य दिएका थिए।
टिकापुर शाखाका शाखा प्रमुख प्रकाश खड्काले स्वागत मन्तव्य राखेको कार्यक्रम सुखड शाखाकी शाखा प्रमुख स्नेहा तिवारीले सञ्चालन गरेकी थिइन्। कार्यक्रममा करिब पाँच दर्जन अभिकर्ताहरूको सहभागिता रहेको थियो।
नेशनल लाईफ इन्स्योरेन्स कम्पनी नेपालका अग्रणी जीवन बिमा कम्पनीमध्ये एक हो, जसले विगत ३८ वर्षदेखि निरन्तर सेवा प्रदान गर्दै आएको छ।
Discussion about this post