विपन्न, दलित र जेहेन्द्र विद्यार्थीका लागि छात्रवृत्ति: भीमदत्त–११ का अध्यक्ष प्रकाश थापाको जनमुखी पहल

कञ्चनपुर। भीमदत्त नगरपालिका–११ ले कक्षा १ देखि १२ सम्म अध्ययनरत विपन्न, दलित तथा जेहेन्द्र विद्यार्थीहरूका लागि छात्रवृत्ति आवेदन खुला गरेको छ। आर्थिक वर्ष २०८२/०८३ को नीति, कार्यक्रम तथा बजेटअनुसार सामाजिक विकास अन्तर्गत सञ्चालन हुने उक्त कार्यक्रमले शिक्षामा पहुँच विस्तार गर्ने लक्ष्य राखेको छ।

वडा अध्यक्ष प्रकाश थापाका अनुसार विद्यार्थीहरूलाई शैक्षिक अवसरबाट वञ्चित हुन नदिन छात्रवृत्ति कार्यक्रम प्रभावकारी रूपमा लागू गर्न लागिएको हो। उनका अनुसार योग्य विद्यार्थीहरूले आवश्यक कागजातसहित मिति २०८२-०८-२५ गतेसम्म वडा कार्यालयमा निवेदन पेश गर्नुपर्नेछ।

वडाअध्यक्ष थापाले सबै सरोकारवालालाई समयमा आवेदन दिन आग्रह गर्दै यस कार्यक्रमले आर्थिक रूपमा कमजोर परिवारका बालबालिकालाई सहयोग पुग्ने विश्वास व्यक्त गरे।

वडा अध्यक्ष थापाले निर्वाचित भएयता वडाबासीका स्वास्थ्य र सेवाप्रवाहमा विशेष प्राथमिकता दिँदै आएका छन्। उनले घर–घरमै पुगेर स्वास्थ्य जाँचको व्यवस्था गर्दै आएका छन् भने अब घरमै गएर घटना दर्ता गर्ने व्यवस्था लागू हुँदै गएको छ, जसले स्थानियलाई सहजता मिलेको छ।

त्यस्तै, वडामा शिशु जन्मिएपछि प्रतिशिशु २,५०० रुपैयाँ शिशु स्याहार खर्च, र दाहसंस्कारका लागि ५,५०० रुपैयाँ उपलब्ध गराइँदै आएको छ। साथै, निःशुल्क स्वास्थ्य शिविर, विद्यार्थीसाठी तयारी कक्षा, र कम्प्युटर कक्षा जस्ता कार्यक्रम नियमित रूपमा सञ्चालन हुँदै आएका छन्, जसले वडाको सामाजिक विकासमा सकारात्मक प्रभाव पारेको छ।