कञ्चनपुर – धरान उपमहानगरपालिकाका मेयर हर्क साम्पाङले काठमाडौं महानगरपालिकाका मेयर बालेन्द्र शाह (बालेन) लाई लक्षित गर्दै सामाजिक सञ्जालमार्फत कडा चुनौती दिएका छन्।
साम्पाङले फेसबुकमा लेखेका छन्, “चान्चुने नठान ! सक्छस् भने प्रत्यक्ष कार्यकारी प्रमुखको चुनाव गरा ! हारें भने तेरो घरमा १ वर्ष नोकर बस्छु ! तँ हारिस् भने मेरो घरमा सिर्फ १ महिना हली बस् ! सक्छस् ? मुला लुक्छस् ? हूतिहारा…”
पोष्टमा प्रयोग गरिएको आक्रामक भाषा र “नोकर” तथा “हली” जस्ता शब्दहरूले सामाजिक सञ्जालमा मिश्रित प्रतिक्रिया उत्पन्न भएको छ। कतिपयले यसलाई हर्कको हास्य र साहसी शैली भनेका छन् भने कतिपयले यसलाई अनुचित र उत्तेजक टिप्पणी मानेका छन्।
काठमाडौंका मेयर बालेनले भने यो चुनौतीको हालसम्म कुनै जवाफ दिएका छैनन्। बालेन, जो आफैं पनि सामाजिक सञ्जालमा सक्रिय रहने र आफ्नो कामको प्रशंसा र आलोचनामा स्पष्ट जवाफ दिने नेताका रूपमा चिनिन्छन्, उनको प्रतिक्रियाको प्रतीक्षा भइरहेको छ।
सामाजिक सञ्जालमा यो विषयले व्यापक चर्चा पाइरहेको छ।
Discussion about this post