कञ्चनपुर । भदौ २३ गते ‘जेन-जी’ आन्दोलनका क्रममा सरकारले गरेको दमनको प्रगतिशील लेखक सङ्घ (प्रलेस) कञ्चनपुर शाखाले कडा शब्दमा निन्दा गरेको छ।
शान्तिपूर्ण रूपमा आफ्ना मौलिक हक र सुशासनको माग गर्दै गरिएको प्रदर्शनमाथि भएको दमनलाई प्रलेसले ‘राज्यको निन्दनीय दमनकारी नीति’ भनेको छ।
प्रलेस कञ्चनपुरले आन्दोलनमा ज्यान गुमाउनेहरूप्रति गहिरो शोक व्यक्त गर्दै उनीहरूको आत्माको चीरशान्तिको कामना गरेको छ। साथै, शोकसन्तप्त परिवारजनमा हार्दिक समवेदना पनि व्यक्त गरेको छ।
शाखाले ‘जेन-जी’ का जायज मागहरूलाई नैतिक समर्थन दिँदै सरकारलाई ती मागहरू सम्बोधन गर्न यथाशीघ्र कदम चाल्न आग्रह गरेको छ। ‘जेन-जी’ को आवाजलाई सम्पूर्ण नागरिकको आवाज ठानी राज्य जिम्मेवार बन्नुपर्ने प्रलेस कञ्चनपुरको जोडदार माग छ।
Discussion about this post