कञ्चनपुर । सामुदायिक सेवा केन्द्र तथा सामुदायिक प्रहरी सेवा केन्द्र महेन्द्रनगरको आयोजना र जिल्ला ट्राफिक प्रहरी कार्यालय कञ्चनपुरको सहकार्यमा शुक्रबार महेन्द्रनगरमा ट्राफिक दुर्घटना न्यूनीकरणसम्बन्धी एक जनचेतनामूलक कार्यक्रम सम्पन्न भएको छ।
भीमदत्त नगरपालिका-४ स्थित ट्राफिक चोकदेखि चम्मनचोकसम्मको क्षेत्रमा भएको यस कार्यक्रममा पैदल यात्री र साइकल यात्रीहरूलाई लक्षित गरी ट्राफिक नियम र दुर्घटनाबाट बच्ने उपायबारे जानकारी गराइएको थियो।
कार्यक्रममा सामुदायिक सेवा केन्द्रका अध्यक्ष भोजराज भट्ट, पदाधिकारीहरू, जिल्ला ट्राफिक प्रहरी कार्यालय कञ्चनपुरका प्रहरी निरीक्षक लक्ष्मण पचभैया, विभिन्न विद्यालयका प्रिन्सिपल र विद्यार्थीहरूको सहभागिता रहेको थियो।
जिल्ला ट्राफिक प्रहरी कार्यालयका प्रमुख प्रहरी निरीक्षक लक्ष्मण पचभैयाले उक्त कार्यक्रममा सबैलाई ट्राफिक सुरक्षाबारे सचेत गराएका थिए।
सामुदायिक प्रहरी सेवा केन्द्र महेन्द्रनगरले जनाएअनुसार यो कार्यक्रम सडक दुर्घटना न्यूनीकरणका लागि निकै प्रभावकारी हुने विश्वास लिइएको छ।
Discussion about this post